Ba raandu dhuur tɛ ci yen riääk ee töŋ ka rilic apɛi tɛn kuat raan eben ku acïe kääm yic piäl bi raan rëët thin erin ye yïn rot thiëc yeŋo looi yen rot ku arilic bi gaam lɔ̈n ci yeen rot looi.
Na ye rot thiëc yeŋo loi yen rot tɛne aka cie yïïn kenë ee thiëc ye kuat raan ci raande riääk rot thiec thiëc yen ku acie yïc piäl bi dhuuk nhom yen thiëc kenë awic bi näŋ raan jɛ̈ɛ̈m yïïn puöu ku ke jkaam nyiai bi jal jäl raan puou.
Hellen Berberi ke ye raan ci piɔ̈ɔ̈c bi kɔc ya jääm nhïïm aci lueel kaam dhuur raande tɛ ic yeen riääk ee yen kaam wën rilic apɛ̈i ku acïn kaam ci ŋuëk tɛn dhiëu wen ye raan raande dhuur ku kɛ̈ɛ̈c thin. Ku aci lueel ee yic tëk raan tök leer tɛnë raan dɛt erin ye yeen ke ye kɔc rot thiëc ye yïïc ci rot looi ku yeŋö looi yen rot tɛn ɣɛ̈n ku ben raan rot thiëc ee rin këc yen yeen gaam lɔn ci yeen rot looi.
Ba dhiääu erin raan dun ci riääk ee töŋ kawën rilic apɛi ku acïn raan ci yen rot ye loi thin ku ke thok jal tëk tɛnë ŋɛk ku ŋɛk. Aci Hellen jal bɛn mat thin ku luel tɛn raandɛ̈t dhiëëu ace laac thook tɛn kɔc kɔ̈k ee kaam nyiäi, ku jɛ̈ɛ̈m nhom wën ye raan jäääm ee yeen koony erin lön raan kɔc jaam nhïïm ee ku wɛ̈t jal thiëët piny nhom bi jäl kuɛ̈ny thin keden nhiɛɛr ka ci yeen wɛ̈t yiic ye ke nɛn bi luui eek yeen.
Tɛn kɔc akutnhom bɔu pan Junup Thudan raan ci raande riääk acie puöl rot aye ŋɛk bɛn bi rɛ̈ɛ̈ŋ ke ci rot käŋ looi tɛn yeen thɔ̈ŋ tɛn yeen. Ku ben ŋɛk bɛn kek këne ci rot käŋ luöi yen bi bɛn thɔ̈ɔ̈ŋ kɔu tɛn raan wën agut bi raan nyin cïï kök ee rot bɛn ye kɔc guëër ee raan wën yiek riɛ̈l bi ye puöu dɛɛt tɛ cï yeen bɛn jääm nhom. Acie jɛɛm nhoom rot pɛth kɔc aa bɛn kek ciɛ̈nden wëu bi keek raan wën ci riääk yiök kuɔ̈ny biyen rot koony ka wïc kaam dhiëëu yic.
Thuön raan aleŋ kejuäc ye guum thin jɔk ke ye raan dhɔ̈l lɔn ci yen looi ku ke kaamdit nyiääi bi raan jäl gam, leer thiec ye yiic ci rot looi, ku yeŋö ye yeen rot looi tɛ̈ne ɣɛ̈n ku käkkä eben aye këne wëëu ye keek wïc jal thäät nhïïm pïny. Thuɔ̈ɔ̈u acie loom ke puɔlic erin ci raandu ye bɛn lɔ dhuk ku ke tɔ lääu puöl yiic ke lääu wɛt ci raan ci nyin pät yic ku dhiën puöu acie laac kɔ̈ɔ̈c puou yic, ku kuɔɔny ye raan ci thuou yiök tɛn kɔc kɔk ee yeen dhuök puou piiny ku dhuk ye puöny ciën bi wɛ̈t aci bɛn mat thin.
Na ye yiök ke jamdaan kënë dhiëën dun puou bɛn puöc ka yïïn aleu ba yuup telepun tɛn akut kɔ̈ɔ̈c kɔc jaam nhïïm ago yïn yiök ke kuɔ̈ny ku jɛ̈ɛ̈m puöu riɛ̈ɛ̈ŋdun ci yiok yic.
