Akeköl puutbeei raac yiic ke raan ŋuɔt ye meth bi jaal bɛn ya raan ci dit riääk yiic
Jamda yic keek Aguer Barac Kuot Rual ke ye raan ci kɛɛcwei ke ŋuɔt ke koor agut tɛ bi yeen jam bɛn mɛt akut Mia 104 ku keek aci rot jal bɛn mat kek akut 105 bïk ya akuöt tok ku ke yen tɛ ci keek jal bɛn nɔ̈ŋ ke ye ka cɔɔl akölniin 16 May Pendhiëc.
Akut 104 ku 105 aa keek ci kɛɛcwei cɔɔl aa looi rot pan Thudan. Luɛ̈ɛ̈l de yic ake cïn ke cɔɔl akut SPLM/A yeen aa jɔl bɛn jɔk ke ya akut ci ye nhom mat bïk thɔɔr tɔŋ Ayod.
"Dhɛ̈ɛ̈l bi ɣok ke piir aa keek ye ku jal luöi ku bi ɣok ke puutbei ku jal tïŋ ku buk piir kada ku miëëth wën ca lɔ nyuöth keek ee yen ci ɣok kony ku kenë ee lɛɛc tɛn Nhialic bi ya miëth yeen leer taau raan puou ku pɛ̈l ɣok, erin ci yeen lɔ thuut miëth ke leer muök wɛt nɛɛk yen ɣok,."yeen ee thiëëc wamuuth Karbino kou? Aci Aguer Barac Kuot Rual Kuanyic.
Juur ake ci bɛn bïk ɣok bɛn nawën cïk bɛn gua lɛɛk keek ka leeŋ ka rɛɛl baar bï yïïn keek lɔ tïŋ go ɣɛn thiec yeŋo look tïŋ gua lɛɛk yeen ɣok a leeŋ tuuŋ akoon, biöök kuɛɛc ku tuuŋ kiil ku ja wat nhom go jeec kek bɛn ke buɔt ɣok. Wen ci yeen keek tiŋ ke buɔt ɣok go lɛ̈ɛ̈k keek ɣɛn caath keek bɛny duök ka bɔ ku na lok ɣen gua jal thiec ba keek jɔt ee ŋo, go lueel ak ba rɛ̈ɛ̈th tuöc bïk keek bɛn jɔl.
Aca jal thiec yeŋo leu ba nyaai käk ka yiic gua lɛk yeen yin aa leu ba nyiɛɛi tɛ cït tɛ wic piaandu path. Kɔc kɔ̈k aci lok bɛn ku ye ka thiec leu buk rot muɔc thin tɛne kakkä yiic gua lɛk keek bïk nyiɛɛi kuat keden wic ke. Wën leer riɛɛth keen wën bɛn bïk keek thiɔ̈ɔ̈ŋ kuat keden wïckë ka ci jaal jäl ku ke yeen tɛ ci keek ɣok nyiääŋ piny thin kaan kënë ke cin raan cïk nɔk. ku tɛ̈në ɣok aci jal lok jal loony dhööl.
Yen ake leeŋ dubaaba ke maac ku aleeŋ raan yeen kuäth ke rɛɛl thin na wën leer tak go rot jɔt bi lɔ ɣɔ̈ɔ̈ŋ thok bi caath na leer yenhom wël gua lɛɛk yeen bii muoktaai yeenyeen ŋääny thok go lueel yeŋo wiëc muktaau ku ɣɛn tën aci ŋic lɔn ci käŋ pɛt kua awic bi ŋëër thinku aye tïŋ na ŋëërthin ka ci yeen bi puolyeeth go wɛt gam ku gɛm keek ɣɛn keek muktaau dubaba. Aci Aguer Barac Kuot Rual lueel.
