Dööŋ mïth bɛ̈ɛ̈i yiic ku mïdhiëët ke ci lɔ dieer laar ee töŋ kawën mïth cɔl arïïic bei ciök keen yiic erin cïn yeen raan dit keek bɛn lɔ̈k biɔ̈ɔ̈k.
Aguiɛ̈ɛ̈r ke ci looi bi bi kɔc ke nhiim maat ku bïk jaam kɔc wën akɛ̈ɛ̈k ku tɔɔŋ baai bɛi ake ci looi Jama deen Victoria ke looi Akutnhom Piäl guop kɔc Abiköök ku kɔc ci kaat riääk yic.
Kɔc juëëc ke ci bɛn thin a leeŋ yiic Bɛny Police Victoria, akut Action Network Campaign, Akutnhom Diäär Mïth piɔ̈ɔ̈c ku Akutnhom Abiköök ku kɔc kɔɔk ci rïïŋ baai tɛnë ku dupiööc keen Jama Victoria ku jɔl Dr Anyieer Yuol ke ye raan ca thor gɔɔt alɔŋ thiëëk ku ɣɔk ye keek tɔu piiny thiëëk ku luɔ̈n den akɛ̈ɛ̈k ku tɔŋ baai yiic.
Kaam midhiëët mith piɔ̈ɔ̈c ke ci bɛn thin acïk lueel lɔn nada yeen aci them bïk miëth ken ya piɔ̈ɔ̈c dieer ciɛ̈ɛ̈ŋ Muɔnyjäŋ ago kä ciɛ̈ɛ̈ŋ, lɔɔr ku diɛ̈ɛ̈r ku ketkët muɔnyjäŋ ŋic.
Ke dɛt ci dupiööc kak maat thin ee lɔ̈n nada ee rot loi bi midhiëët miëth keen ya nyiääŋ bɛ̈ɛ̈i yiic ku leek lɔɔr bïk lɔ diëër ku acïn raan dit ci döŋ ke mith baai. Acïk lueel wën ci keek yeen bɛn caath yiic ka cï yiök lɔn mith awɛɛr wei ke cïn ku awic keek bïk ke nyiin taau tɛ bïk kuɔɔny mith yiic.
Aci tïŋ töŋ piööc lueel mën tɛ̈n jɔk keek piööc ka miith juëëc acïk nhiäär yiic bïk ya bɛn tɛ̈n piööc ago ka ciɛ̈ɛ̈ŋ, lɔɔr, dieer ku këëtkët waak ku diɛɛt thööŋ muɔnyjaŋ ŋic. Bɛn ci mïth ya bɛn tɛ̈niööc acï keek waak ŋic yemënë ku aci been ciët lɔn waar puɔ̈c keek jɔk piööc den yiic, lɛ̈ɛ̈k ka ci mïïth nhiär bïk ya lueel ye waak nɛ̈n wïc kë bi keek luööi ku biku bï keek dieer ku ya keet nɛ̈n wïc keek waak ke bi keek kët. Käk kä eben ake ci yiic piɔɔc waar thɛɛr kën keek jɔk piööc den yiic ku yemënë juëëc awic bïk ya bɛn tɛn piöc diëër.
