Dɛ̈ɛ̈k piny tɛ bï lööŋ ye rieu piny gël tɔŋ baai tɛn kɔc wuöt African-Australian

Dɛɛtic ciɛ̈ɛ̈ŋ wuöt Africa ku lööŋ keen tɛden ke bï keek thin tɛ ye luöi tɛ̈ŋ baai akëc lööŋ baai tɛnë deetic ku aci thaany nhïïm piny bïk ciën nyiɛn den.

Dr Akuch Kuol Anyieth, Postdoctoral Research, Fellow at the Centre for the Study of the Afterlife of Violence and Reparative Quest (AVReQ) Stellenbosch University Western Cape, South Africa

Löŋ keen ake looi ke ɣok ci tɔu ku bɛn aleŋ kak këëc ku keek deetic ku aleŋ kak ye keek ɣok yiɔ̈ŋ thiin luɔi den yic ayadɛ. Erin akëën ku deetic apɛi ku ɣok acïn riɛ̈l. Aci Dr Akuch bɛɛn mat thin ku lueel tɛ cï yin ka bi yïn rot koony cimen ba wic raan ŋic lööŋ apɛth wal aba lɔ tɛ bi kaac ku lɔ jaam nhïïm thïn ku kɔc juëëc bi yïïn koony. Aci Dr Akuch Kuol Anyieth kuanyic.

Käkka bɛn awic wëu ku na cïn nhom wëu ka yïn atooc tɛn kɔɔc kɔc kuɔ̈ny ke cïn wëu ku kënë eben ee kuöc luɔ̈i aye cɔl abɔ luɔ̈i yiic. Tɛn Dr Akuch kuöc luɔ̈ɔ̈i këënë ee kɔc juëëc cɔl alɔ riääk yic na cɔk ɣa lɔ̈n ke ci keek bi lɔ riääk yiic ku aye luel ka path bï lööŋ baai tɛn kɔc bɔu wuöt Africa deet tɛn ye keek käk keen kuɔ̈i thi. Ku ben lueel awic bik deet yic aya tɔ̈ŋtɔŋ waar baai yekä keek looi kadi.

Dr Akuch Kuol Anyieth, author of "Decolonising family Violence Legal intervention Order in African-Australians Communities" at book launch in the state library.

Luel de yic kɔcdït aa kɔc nyuöc ku jɛ̈ɛ̈m käk baai yiic ku luel yïn ŋɛɛk yïn ci kënë wuöc ku yïn ŋɛ̈ɛ̈k yïn ci këne tïïŋ ku jɛ̈ɛ̈m ka kɔc nhïïm bi wɛt thok. Aya tɛn Dr Akuch aci mat thin lɔ̈n nada tɛn ke ye kɔc wuöt Africa käk keen luɔi thin aci bɛn thääny nhom piny ku llöŋ den yen ka tɔu nhiäl ku kenë aci kɔc mɛc tɛ ye kawajat ke keen luɔi thin erin tɔu löŋ den nhiäl.

Aci Dr Akuch lueel bïk luui keek bɛɛi wuöt Africa kada erin keek awïc bïk ɣok deet ayadɛ ku acïe bïk ya jaam baak löŋ kuä deet. keek aya adhil ka wïc aya bïk ɣok ya deet. Aci Dr Akuch lueel tɛn wuöt African-Australian alëŋ tɛ̈n ye keek ka keen luɔi thin, cimen tɛ leŋ yen ke ci rot looi kaam mooc ke tik aleŋ tɛ ye yeen luɔi thin.

Ku ke ci rot looi tɛn meth kek wun wala maan aleŋ tɛ yeen luɔi thin ku käkkä aci löŋ baai tɛnë bɛn thaany nhïïm pïny ku ɣɛ̈th kä lööŋ keen nhiäl.

Ku ben mat thin lɔ̈n nada ka ci raac bi lööŋ keen tɔu nhial ku apɛth bïk lööŋ kua ke rëëu ku bïk lööŋ kua deetic aya. Cimene löŋ kuän wën ye ku tïŋ ke piɛ̈th ku aa kɔc määt awic bïk keek ya riëu ku käkka aa keek kä ci keek gɔ̈t athor deen ci got yiic.

Ku jɔ̈ɔ̈l wël kek thöök ciök lɔn nada tɛ ci yeen ŋic ye ka yiënda nuän kɔc ka wïc bi jal tïŋ bi keek looi kada kɔc ye baai tɛn bɛ̈ɛ̈i wuöt African-Australian tɛ bïk ke keek tiam thïn.