Jamda wuɔnë Gabëna ëë pan Arämwëër në Junup Thudän Matur Cut Dhuɔl

Në SBS Dinka Radio; ke Matur Cut Dhuɔl man tɔ ke ye Gabëna ëë pan Arämwëër në Junup Thudän kunë cë kan ya bɛ̈nyë jenny ee cë jam kenë wuɔk. Mature ee nyiɛië në jecic ku kuany ke ye ran bë nyinë Gabena tiɛtic cë luɛlë löŋë pane Junup ku ye wɛ̈të akën rɔt bë loi ëya nëŋö bɛ̈ny ŋäär baai akën ciɛ̈nhë löŋ bɛ̈ɛ̈r. Në jam yenë cë caal në Radio yic në late në thaa dhetem miakdur; ke Mature e ka juïc jäi në biän ëë nyunyë palëmɛn në Juba nëŋö aye luel ye ka cën lëk cë ɣɛn dëër në ka luel kek kuka ya kek piŋ. Ke pɛië bɛ̈t ye nïïn thiɛrrou ku dhïc ke Palëmɛn ëë Junup ee cë nyuc kuka nɔŋ kɔc cë bë cuɛt ke kɔrkɛ̈ bë bɛ̈ny Kiir Matur dhil cɔk jiɛ̈l në thööcic ku yekenë akën rɔt lëu agut cë ye mɛn. Piɛ̈ŋë në jamda wuɔnë Matur.

Në ka cen ke jam thïn ëë ka cë bë luel ye

Ɣɛn ee kuɛny bɛ̈ny ŋäär pane Junup Thudän man yen ye Thɛ̈lba Kiir Mayärdït ku ka cën kaamë nïïn ke thiɛrdhetem ëë ke cë kek lɛ̈k ɣɛn ee de ca kek kuany cök. Në ye mɛn ke kɔc lui arëëtic aguɔ jäl ace kɔc kɛ̈k pei ake ye thiɛthïn ke Juba gɔl në Deŋ Monydit, Awet, Telär, Deng Athɔ̈rbei ku Mayom Akech ku kɔc juïc ke ye kɔckɛ̈ acën ka cïï kek kan jäl luɔ̈I baai.