Tɛ këëc panpiööc jɔk ka raan aleu bi rot guiir kajuëc ye wïc panpiööc. Kaam këc pänpiööc ŋɛ̈ɛ̈ny ee yeen ya kääm pɛth bi mithpiööc lɛ̈k ka bi rot looi panpiööc ku tek thook yeŋo bi ŋɛk ya looi kaam mithpiööc, midhiëët ku dupiööc ago luɔi lɔ gɛi.
Kënë ee kuat raan cɔl aa rɛɛl ke ŋic yeŋo ye ŋɔ̈ɔ̈th tɛn yeen bi ya looi, aye wic bi raan tɛden ye yeen rëël cɔ̈ɔ̈k pïny. Awic baa alɛ̈ɛ̈th ye mïth ciëëŋ ɣɔɔc ku mɛt keek thook abak tɛ̈n mithpiööc erin ktɛ ye yeen mɛ̈nh lɔ dhël dɛ̈t yiic ke ye wïc bi näŋ athor keen ci keek ɣɔ̈ɔ̈c dhël den bi yeen gɔ̈l thin yiic.
Dɛt aya aye wïc ba ŋic yeŋö kën ke ci mɛ̈nh dulooi ruön waar ci jal yiic ku awic bi meth rëël ke ci rot guiir ye guöp ku ye nhom. Na leŋ ke këc menh ŋiëc looi rouön ci jäl ka bi luui thin bi keek bɛn cïök piny, Kuna ye ye mɛ̈nh du pan piööc ke ye cath ka kɔc awïc bɛn nyuc bïk bɛn jäämic ku ba ŋic yeŋö bi wïc tɛn mɛnh du ɣon den thiɔ̈ɔ̈k ci yen lɔ thin ke jot.
Ku awic bi raan rot ya guiir tɛ bi meth kony thin ruön kënë yic, ku jök mɛnh ka pɛth ba rɔm keek dupiööc ku ba rot lɛ̈ɛ̈k yeen ago yïn ŋic, ku gam tɛwën bi yïn jam ke dupiööc ba lɛ̈ɛ̈k yen lɔn na lëŋ ke jöör yeen tɛn mɛ̈nh du ka ɔl alëk yiin. Ku ba ŋic aya yeŋo ye mɛnh du nhiɛ̈ɛ̈r ku yeŋö bi raan piöc nyin ya tïït tɛn mɛ̈nh du ke ye ke kuuc tɛn week we mɛnh du.
