Ruön yam ee bɛn keek käkke ku aguiɛ̈ɛ̈r tɔu raan puöu käk bi keek luɔ̈i tɛ ci ruön jot bɛn. Tɛ̈n raandɛt aye nhiaar na lëŋ keden këëc thääp ruön ci jäl ka ŋuɔt nhiɛ̈ɛ̈r bi keek bar thook piny.
Aci Hellen Berberi lueel këwën tɔu ran puou ku bi looi awic ku bi ya keŋwën bi raan leu luɔ̈i ke ku acie ke cïï bi leu luɔi. Dɛt ci maat thin ee lɔn ke wic ku ba looi aye wïc bi ya ke ca täkic ku aleu ba looi ba laar thok piny ke ŋic ba looi kada tɛ jɔk yïn yeen ciök.
Dɛ̈t ci Hellen ee lɔn nada aleŋ ke wic ku ba looi ruön yam kawic ba gäätpiny ku neem ba bɛn tïŋ yeŋo ca looi thin ku awic ba looi ke ceekic ku ke ke ba looi piërdu yiic.
Aci wic bi ya kedit awic bi ya kithin leu ku ba luoi ku acie kewen bi yïn cɔɔl alɔ puou pɛ̈ɛ̈k wei ba ci looi.
Ku ben lueel kedun wïc ku ba looi awic ku ba mat raan dɛt erin ŋo raan kënë abi yïn ya thiëc na kedun waar ca lueel la ka ba looi pëëk thok tɛ nɛ̈n. Kënë aa leu ku bi raan ya dɛɛtpuöu bi keden ci luɛɛl ka bi looi bi dhiɛ̈l looi bi tiɛ̈ɛ̈ŋ nyiɛ̈nde.
Tɛ yïn kedun looi taak ka ca gaat piny ku lɛ̈ɛ̈k raandɛt ka leu ku ba tiɛ̈ɛ̈ŋ erin leŋ yeen raan dɛt rɛɛl nyin thin bi yïïn yä tak nhom ku thiëëc yïn apɛëëk nhom tɛno ke duun ke ca lueel ka bi looi yiic.
