Jam daan këne yic wek abi pïŋ kajuëelc leu bi keek looi kaam rëël mïth piny tɛ ci keek luɔ̈nyu panpiööc. Kënëe awïc aguiɛ̈ɛ̈r wën ci guïïk wënthɛɛr tɛ këëc gua luɔ̈ny na cɔk aa lɔ̈n cin yeen kënë ci guïk wënthɛɛr ka ŋuɔt bï ke wic guiëër ba looi keek miɛ̈th ku.
Na cɔɔk aa lɔn ci mïïth piöc pan Melbourne luɔ̈ny ka mïth juëëc latuëŋ ke bi keek jal luɔ̈ny piny bɛɛi kɔ̈k yiic pan Australia abi keek yiic jal juäk wïk kenë yiic. Ke ye kɔc rot jal thiëc ee lɔ̈n yeŋo ca guïk ba looi keek miëth ku? Ye tɛ nɛ̈n bi wek lɔ thin miëth ku? yeŋo bäk looi kaam reel keekpïny kënë yic? Thiëc ka eben aa kawën ye kɔc rot thiëc kë bäk looi tɛ rëël miith piny ku bïk keek muök nhiäl bïk ci ye yiök kek ye kɔc cïn ke looi ke.
Hellen Berberi, keye raan kɔc jäm puöth, nhïïm ka dhɛ̈ɛ̈l yiic aye luel ba näŋ ke llooi ke miëth ku kaam ci keek luɔ̈ny ee töŋ kawën wic ku bi guïk apɛth tɛn baai ka bïk looi tok bik kaam rëël kek piny nhiäär yiic ku leŋ mïth anyikole bïk lɔ kuäny yic tɛ leer keek dhuk pan piööc.
Aci Hellen bɛn mat thin ku ku luel na cïn kë ca guïk ke ba looi keek miëth ku ka wic ba wël wïc thok tɛn mäjilith thiɔ̈ɔ̈k ke yïïc ago yïn yeen ŋïc yeŋo looi thin tɛn ku bi yïn miëth ku ɣath tɛ thiɔ̈k ke wëëk. dɛt ci mat thin aya ee lɔn leu yïïn ku ba miëth ku ɣäth tɛn thuëc, lɔɔr läär yic ku diëër ke keek, ku ɣäth keek tɛn kuɛ̈ny ku na lëëŋ këne ke dhɛ̈ɛ̈l mɛnh du waar këc ye gua luɔ̈ny panpiööc ke yeen kaam pɛth ba yuoth yeen mën rëël yen piny ke cie lɔ pan piööc.
Yïn leu ba kaam kën lööm ke leu bi yïn ciɛ̈ɛ̈ŋ dun wek mɛ̈nh du bäak bɛn luui thin bäk ciɔk piny bi pan ku dɔm ka määth tɛ leeŋ yeen tɛ̈në ke ci wëk rot ye deet thin apɛ̈th, aci Hellen kuany yic.
