Bɛny Anthony Albanese aci kuɛ̈ny ke dɛt rou ku yen aye tɔ̈ɔ̈ŋ bi näŋ thööcken juëc apɛidit, kuna leer bɛn bɛny akut Opposition Peter Dutton acï thɔ̈ɔ̈nyde nyaai raan akut Labor Ali Ali France.
Kenë ke cekic
Wëk acuk lëëc ke ci wë mɛt jamdan ke looirot ruön tim 2025 kuäny akumadit pan Australia.
Kaam wïc kadhiëc ciök ciën ke jam bïk kɔc caam nhiim wën yen ci bɛny aki Opposition Peter Dutton wën lɔ neem ɣɔ̈n juëc wen ye kɔc puk thin miök ke neen keek Bɛny Anthony Albanese aci bɛ̈n duriäk nhom (na cɔk ɣa lɔn ci yen jam la ka ci yen ciök dɛɛnypiny ku wëu juëc billionɛ ee dollar keye ka cï luel ka bi bɛn looi aci keek luël, Kɔc pan Australia aci Labor yiëk ke dhuk keek bäny yic dɛt.
Keek kïk ka wïc bi ke ŋic menë athɛ̈ɛ̈i kënë:
“Kɔc pan Auɛtralia aci ŋɔ̈ɔ̈th kuany ku juɛ̈ɛ̈rrot” ee jaamden ci yen tɛ̈ɛ̈m yic. Yen aci Peter Dutton leec ee rin “wɛ̈ɛ̈tden puɔ̈th yen ci luel” ku loi wiithden ye yen raan ci tiɛ̈m, lɔɔr yen kɔ̈cken kääc kek yen ku leec kɔc thiääl.
Ku aci Peter Dutton luel ee lë ke “acië thiɛ̈ida”. Yen aci thiëc pɛ̈ɛ̈l wɛ̈t piny ka ci akutnhom den jam thin kam kɔ̈ɔ̈c yic, ku luel “ke ɔ gɛ̈ɛ̈I aci pɛ̈th apath”, mɛne aci ka bi rot bɛ̈n “tɛ̈ŋnhiäl”. Yen aci luiël ka ci bɛny Anthony Aci yuop ku lëk yen “yïn aleu ku ba puou miɛt kë ca looi”.
§ Dutton aya aci thɔ̈ɔ̈nyden Dickson ee Queensland muör tɛn raan Labor's Ali France. Akutnhom Coalition abi jal wïc bïk kuɛny bɛ̈nyden ee yam.
§ Labor aye tïŋ ke bi dhuk riɛ̈l ke akut juëc apɛidit ɣön den (House of Representatives), tɛ cit tɛ wën ye kɔc wël cuɛ̈t lääthic yeen luɛ̈ɛ̈l thin. Cuɛ̈tden Senate aŋuɔt këëc lɔ gɛ̈i.
§ Raan wel cuɛ̈t laathic aye thɔ̈ɔ̈ŋ akut Greens abi thöönyden Brisbane baai alɔ̈ŋ Griffith abi nyaai, Mënë arɛ̈ɛ̈l kek raan athok jam tɛn akuötden alɔŋ hɣot Max Chandler-Mather tɛn Labor. Thɔ̈ɔ̈c juëc kɔk ɣa ŋuɔ̈t ke thiɔ̈ɔ̈k yic bï keek caal, mɛt thin agut ci thööny bɛny Akut Green Adam Bandt gen Melbourne.
— David Aidone
