Ke dun tuëŋ leu ba looi ba liääp keek akut Indigenous Australians

Ba rot ŋic keek kɔc wuöt thɛɛr Indigenous Australia aleu bi ya töŋ kawën rilic apɛɛi tɛ̈n kɔc wën ci piääc bɛn baai. Ku ye tɛ̈në ye tɛ nɛ̈n ye yïn jɔ̈k thin? Ɣok aci tïŋ Yawuru Shannan Dodson, keye bɛny CEO of the Healing Foundation, thiëc dhɛ̈l wën puɔlic yic tɛ bi raan rɔm thin keek Kɔc Gɛ̈ɛ̈th Tueŋ kadhɛ̈ɛ̈l ku kɔc kun ciëëŋ baai alääŋdun.

No matter where you live in Australia, you are on the lands and waters of Australia’s First Peoples. Credit: Matthew Micah Wright/Getty Images

Key Points

• Aboriginal ku Torres Strait Islander Australians aleŋ yic akut juëëc yic apɛi leŋ bɛɛi juääc ku ciɛ̈ɛ̈ŋ tɛ̈ɛ̈kic
• Akutnhiim wɛtnhïïm kɔc Indigenous ku käk looi dhɛ̈l ci mat keek Kɔc Gɛ̈ɛ̈th Tueŋ ku kɔc.
• Ba rot ŋic käk ye looi ku tɛdun ye yïn keek luɔi thin mɛt thin agut ci piooc, pïŋpïŋ kek nhom ŋääny, ku leeŋ käk thiëc kek dhïl athɛ̈ɛ̈k

• Ye kada bi ɣɛ̈n rot piöc ba näŋ ŋiëëc Kɔc Lëëŋnhiim Piiny baai alaŋ die?
• Ye Kada bi ɣɛn yiök kek kɔc wuöt Aboriginal Australians?
• Ye tɛ nɛn bi ɣɛ̈n wël lëk lɔ ciök yiök thin alɔ̈ŋ Aboriginal ku Torres Strait Islander Australia?
• Yeŋo keek käk kɔ̈k ye looi tɛn Indigenous ku käk tɛktɛk ye looi tɛ̈në Australia?
• Ye kada bi ɣɛ̈n ya raan määth keek Kɔc Thɛɛr Gɛ̈ɛ̈th Tueŋ Australia?
• Kuna ye ke lueel ɣɛn wɛt cië tɛde tɛ ye yeen kewën lëŋ ɣɛ̈n thok jam keek raan wuöt Indigenous?

Ba näŋ ŋiëëc kïïth yic ciɛ̈ɛ̈ŋ den Indigenous ku wuötken, ee ke rilic tɛn kuat raan wën ciëeŋ tɛ̈në Australia, aci tïŋ wun Yawuru Shannan Dodson, CEO ee akutnhom ee Healing Foundation lueel.

“Ba deetic lɔn nada acie kuät ciɛ̈ɛ̈ŋ tökpath yen rɛ̈ɛ̈l thin kuat ciɛɛŋ kɔ̈k. Aleŋ akuën buɔt juec thook tɛ̈ɛ̈kic rɛ̈ɛ̈l thin baai thok eben.

“Kuna cɔk aa lɔ̈n ci yïn yeen leu ku ba rot piɔ̈ɔ̈c ee juëëc den , ka ɣɛn aya täk lɔn rilic yen yic.”

“Yen ee krilic tɛ̈n kuätraan ciëëŋ tɛ̈në Australia ku bï näŋ dɛ̈ɛ̈tic lɔn nada Kɔc Indigenous aci Pan kënë muknhom tɛn ruun tiim juëëc,” aci Shannan Dodson lueel. Photo: The Healing Foundation.

Ye kada bi ɣɛ̈n rot piɔ̈ɔ̈c ba näŋ ŋiëëc Kɔ̈c Leeŋnhïïm Pïny baai alaŋda?

Aboriginal ku Torres Strait Islander pan Australia aleeŋ akut juëëc tɛɛkic ku wuöt looithook. Yeen ee ke rilic ku ba them ku ba yiök kek akuötdun thiin baai yic, aci Ms Dodson lueel. Mɛ̈n ye kada bi yïn yeen ŋïc pan cɔl da ciëëŋ yïïn thin?

“Dɛtic ye tɛ nɛn reel yïn thin ku ŋic ye Gen nɛn rëël yïn thin kënë.

“ Yen ee ke puɔlic niin käk yiic ba yiök ye yïŋa Kek Leeŋ Nhïm Pïny baai aläŋ dun.”

Alɔŋ kë nyooth tɛ ceeŋ kek akut Indigenous Australia ku wël kɔc leeŋnhïïm baai alaaŋdun ke yï neem lɔkaɣukaar Australian Institute of Aboriginal and Torres Strait Islander Studies website.

Ye kada leu ku bï ɣɛn nuët keek akut Indigenous Australians?

Na ye ke wïc yïïn kaam lääu ku ba koony kawën dhɛ̈l tɛnë Indigenous ku nuɛ̈t ke kɔc, duk daai tɛ meec keek tɛ dun ciëëŋ yïn thin.

“Tiŋ ye kada leu ku bi yïïn määth dɔɔm keek bi yïn nuët kek akut thin pandun Akunhïïm Aboriginal."

“Na cɔk aa lɔ̈n bi yïïn yeen looi ke yï ci rot juäär ba ya koony ke cïn ariöp, gam kuat ee kuɔ̈ɔ̈ny, wala ee romrom wël path keek riëëc ku kɔc baai.”

Dhuok nyin piny gen walahaya ku geen dun, yïn aleu ku bi piööc alɔŋ käkdhɛ̈l tɛn Indigenous loithok baai alaŋdun.

Akuutnhïm kɔ̈k wuöt Indigenous aa ke nyïn caat kawën dhɛ̈l looithok walahaya yic ku gɛ̈ɛ̈u ku kɔ̈ɔ̈k aa luui baai thok eben kawën Indigenous, cimën muök kɔcdit. Credit: davidf/Getty Images

Ye tɛ nɛ̈n leu ku bi ɣɛ̈n wël lëk lɔcök yiök thin alɔŋ kɔc Aboriginal ku Torres Strait Islander Australia?

Alëŋ ɣön juëëc nɔ̈ŋ yic wël lɔ ciök lëu ku ba keek yiök lɔ̈ɔ̈kic.

Aci Ms Dodson lueel aleŋ ɣɔn kadiääk baai thok eben bï yïn jɔɔk thin:

• The Healing Foundation, alɔŋ wël lëk akeköl nyiɛɛi mith riɛ̈l, ku rɛɛcden ŋuɔt latuëŋ ke bäŋ keek eeben kuat akutnhïïm Aboriginal ku Torres Strait Islander. 
• The Australian Institute of Aboriginal and Torres Strait Islander Studies, alɔŋ wël lek baai alaaŋdun ku Kɔc Leeŋnhïïm Baai, wël lëk alɔŋ thook ku ciɛ̈ɛ̈ŋ, ku wël akëköl ci gaat pïny.
• Reconciliation Australia alɔŋ wël lëk tɛ ye dhuök puöu ciën luɔi thin tɛne Australia

Yeŋö keek käk kɔ̈k ye looi tɛ̈në Indigenous ku käk tɛ̈ktɛ̈k ye looi tɛnë Australia?

Ba lɔ käwën looi wɛt-Indigenous- lëu bïk yïn yiëk dhɛ̈l bi yïn luui keek ciɛ̈ɛ̈ŋ Kɔc Gɛ̈ɛ̈th Tuëŋ ku bɛ̈ɛ̈i.

“Aleŋ kajuëëc laau ku bï yïn luui thin keek kuät walahaya ku gɛɛu;” aci Ms Dodson lueel.

Cït mëne, the National NAIDOC Week yään ye looi kaam wik tuëŋ ee pen dhorou yic kuat ruön yiic.

NAIDOC Week ake dhiëët ee cɛmcɛm ciɛ̈ɛ̈ŋ yän Aboriginal ku Torres Strait Islander ee dhel path, ŋaany ku dhɛ̈l rɔm, ke cië akutnhïïm käk reel thin rot, ku yenn aya aci cuɔ̈t yic ciën tɛn Akutnhïïm Australian ku bïk ya leu bïk door.

Shannan Dodson, CEO of the Healing Foundation

The National Reconciliation Week, aye looi ke jok akol niin 27 May ɣet aköl niin 3 June ke cï kɔc cuɛ̈t the 1967 referendum ku aci luuŋdit the High Court Mabo decision ye yeen taak dhel athɛ̈ɛ̈k

Ke ye looi ruön thook eben tɛɛk alɔŋ gam Gɛ̈ɛ̈m awuöt tɛn kɔc Australia Indigenous tɔ akolk niin 13 February ke buɔ̈th ke lɔ ye ciök National Sorry Day, yë looi ee ruön yic eben aköl niin 26 May.

Keek kedhië aa ŋiëëc 'Rïïny Ci Kuäälwei' tɛ̈në Aboriginal ku Torres Strait Islander ee mïïth ken ci keek dɔmbei riɛ̈l bɛ̈ɛ̈i keen yiic kaam ciɛ̈l ee ruön mid-1800s and 1980s.

"Yeen ee kë rilic ku bi kɔ̈c bɛn etok ku ye baai ku buk athɛ̈ɛ̈k gam tɛn kɔc kek ci thääp ciin lööŋ ke ci looi yiic.

“ku yeen aya, tku buk deetic arɛ̈ɛ̈m ŋuɔt leer keek tuëŋ thin akuutnhïïm juëëc yiic ke ŋuɔt ke joor.”

Yen ee ke puɔlic ba wuöc rot looi na ye ke ci yïn bɛn luɛl kawën cië yiith wala ka ye luɛ̈ɛ̈l ke kɔ̈ɔ̈th kek Aboriginal ku Torres Strait Islander kɔc ku ciɛ̈ɛ̈ŋ guöp. Credit: WANDER WOMEN COLLECTIVE/Getty Images

Ye kada bi ɣɛn ya raan määth kek Kɔc Thɛ̈ɛ̈r Gɛ̈ɛ̈th Tuëŋ tɛn Australia?

Kaam ŋuɔt wïc ɣok tɛlääu ku buk liääp keek kɔc Indigenous Australia, yen arilic ku ba tääu yinhom tɛ dun bi yïn ɣet thin.

“Ba ya raan lëëŋguop määth wala raantöŋ wën wic yeen ku bi piööc kajuääc, wɛtde yic awïc ku ba pïŋ keek nhom ŋääny, caath ke lɔ̈ɔ̈m ku acië ku ba keek waatnhïïm, ku taak alɔŋ dhil wen ye kada bi yïn rɔɔl den cɔɔl aa pïŋ dhɛ̈ɛ̈l wën cïk keek kuääny ku ka keek gëël keek."

Ms Dodson aci wɛt töŋ rɔm tɛ bi yïn yeen jɔk thin.

“Baar nyuööth rot keek puön ŋääny ku nhom ŋääny."

"Akutnhïïm kua aa kɔc loor apɛɛi, ku ɣok aye ku nhiäär buk rɔm ye ɣok yiŋa, akeköl kua, ku ciɛ̈ɛ̈ŋ da."

Kuna leu ku ba bɛn nhial ba nyuɔth, kënë ee yen ke tuëŋ ba ciɛ̈ɛ̈ŋ path kënë yiëk nhiäl.

Shannan Dodson, CEO of the Healing Foundation

Group shot from the February 2025 anniversary of the National Apology to the Stolen Generations. It includes survivors, descendants, THF staff, Minister for Indigenous Australians Malarndirri McCarthy and other community members. Photo: The Healing Foundation

Kuna ye ke lueel ɣɛn wɛ̈t cie tɛde tɛ ye yeen kewën leŋ ɣɛn thok jam keek raan wuöt Indigenous?

Piɔɔc ciɛ̈ɛ̈ŋ thɛr pïnynhom ŋuɔt latueŋ ku deet kuat kerieec eben rɛɛl ye kɔɔu akëköl luɛ̈ɛ̈k yiic, ee kaam nyiaai ku luɔi thin.

Yen apath ku bi yak deet yic lɔn nada kɔc cie-Indigenous kaam dɛt alɛ̈ɛ̈ŋ riɔ̈c lɔn "bïk keraac looi wala bïk keraac lueel", aci Ms Dodson lueel.

“Mɛ̈n aca ye taak lɔn nada ka riɔ̈ɔ̈k këne acï leu bi kɔc cɔɔl akääc liääp."

"Erin kënë yen ke lueel ebenben ee ku ba rot ŋääny keek, ku ba thiëëc ka thiëëc keek. Ku kɔc juëëc abi ŋic ye ku bïk looi këne ee dhel athɛ̈ɛ̈k.”

Gaat rot piny ku buɔth ɣok Australia Explained podcast ku ba yiök kek wël juëëc lɔ ciök ku lëk tɛdun bi yïn ye ciök riëëk piny thin pirdun yam yic e tɛnë pan Australia.   

Na lëŋ kuat käk thiëëc keek wala ke wïc bi jäämic ke yic? tuöc ɣok Imail ɣok tɛ̈në [e-mail]