Mïth piööc awïc bi keek ciök nhïm tɛ kuëëny kek ka bi kuëën tɛ jelke dhël Dhoŋuɛn ke latuëŋ kuɛ̈ɛ̈nden yiic. Kënë ee luɔi miëdhiet, dupiööc ku meth ku kɔc kɔ̈k wën meth ciök nhom bïk luui ee tök ku bïk mëth kuɔ̈ny kakën wïc bï keek kuën.
Tɛ leer yeen bɛn kaam bi meth jäl dhël dhoŋuɛ̈n ka bi kuɛ̈ny ke bik kuëën dhël thiaar, thiäär ku tok ɣët dhël thiaar 12 ku kënë ee rot looi tɛ kaam aye bïk kuɛ̈ny kawën ril keek thin ku anhiaarke keek ku bïk luööi akolda tɛ leer keek thok kuɛ̈n.
Ku kuänyden ee wic kuɔɔny tɛn meth bi ciök nhom thin ku deet puou bi keden nhiɛ̈ɛ̈r kuäny bi yen kiden kuëën.
Yëda leu bi yïïn mɛ̈nhdu kony bi kuɛ̈ny kakken nhiɛ̈ɛr̈ bi keek kuëen ku yeŋo lëu ku ba looi bi yïïn luui kek kɔc kɔk rɛɛl piööcde yic.
Aye Hellen lueel tɛ ŋuɔ̈t koor mïth ee yeen pɛ̈th yen bï keek ruɔ̈k ciök dhiël yic apɛth ku bi kuɛ̈n nhiaar ku cïn kuɔ̈ɔ̈ny ye yiök tɛn mïedhiët tɛ kuëën yeen ka cï leu bi yiic piäl tɛn yeen rot wɛt ye yeen wïc raan yeen dɛ̈t puöu keden looi yic.
Ku na ye mëth nhiëër wun ke maan tïŋ ke rɛ̈ɛ̈l thin ka leu bi ye puöu päl piny ke looi yiic ku na ŋic aya ke leŋ raan yeen biɔ̈ɔ̈k ka cïï yiic puɔ̈l bi jäl ciökke yiic. Aci bɛn mat thin ku lueel na cï mɛ̈nhdhu määth dɔm kek yïïn ke yeen pälguöp piny bi ya jam kek yïïn ke lääu guöp kiden wïc ku bi looi yiic.
Ku na cïn meth raan keek yeen ke looi yiic ka cïï leu bi ŋiëc loi apɛth erin cïn yeen raan yeen biɔ̈ɔ̈k.
