Ee Jamdan bak pïŋ kënë yic. A buk caath yic riɛ̈lic bi midhiëët piöc ku dïït miëthken.
Ɣok ye kada ye midhiëët cïn reel piööc miëthken keye kuɔɔny lon bïk la looi baai, deet puöu ku bïk ŋic wala loike tɛ pɛth wën lëu bi meth piöc thin ke ciye guop piäl piny ku bi ŋiɛc piöc.
Ke piɛ̈th ye loi baai alëu bi meth kony bi tɛdit tet juäk piöcde yic ku bi ŋiiëc luui apath ke ŋic rot ku ŋic ke looi pan piööc.
Jam kënë aya ee kawën la cök ye midhiet looi lëu bïk miethken dɛ̈t puöth piöc yic ku ke thiëkic ye juëk kek wɛt ye midhiët kɔ̈ɔ̈c ke, tɛ pɛth yen thin kaam baric erin lëŋ yen ka juëc ye kuɔ̈ny kek ee piööcden yic.
Aye Akuach Atem Mayuon lueel, bi miethku yïn ya tïŋ yi rɛɛl ke keek ee ke cɔl a pɛɛl ke guöp piny bïk piööc ke ŋicke alëŋ raan kaacke piɔ̈ɔ̈cden yic ku ee ciɛɛŋ midheit ku mith cɔl ayiëk rot nhial kaam ken.
Aci bɛn mat thin aya ku lueel, apɛth midhiet ke ci mith piɔɔc ŋic ku ee keek kuɔny kë bïk bɛn lɔ juɛ̈k keek baai tɛ leer ke jal tɛ̈n piööc. Ke dɛt ci mat thin piäth rɔɔm ye mïth bɛn rɔm kek mith kɔk bïk rot ŋic, ku bïk thok bïk ŋic ku bïk tɛn bïï keek thin bïk ŋic aya. Aci Akuach Atem Manyuon kuanyic.
