Lääthic nyiin ci keek kuɛ̈ny yiic akuma yic pan Junup Thudan
Aye Atem Yaak lueel lɔn nada dhuk ci Wani Igga dhuök nyiɛnde ee töŋ ka path ci rot looi awëër ci bɛny Kiir Mayardit looi erin bi yen akut den SPLM mat yic. Aci lueel lɔn ye yeen rot kuöcpiny bi raan tuëŋ ku raan buɔ̈ɔ̈th yen ciök bïk bɛn tɛn tök.
Aci bɛn mat thin ku lueel aya tɛ ciyeen yeen luɔi thin waar nyiɛɛi yen Wani Igga aci rot käŋ kuöc looi ku leu bi kuöc deetic ku dhuuk ci yeen dhuök nyiɛnde aci tɛktɛk kënë cɔl a ben rot waar.
Aci kuanyic aya ku cupcup Bol Mel cop acie tɛde erin raan a luel bi cop path pɛl rukden ke ci yeen ruök erin acïn ke luel bi lɔ looi ku aye nyuɔ̈th ala leŋ kɔc rɛɛl ye ciök ke ci root loi yic.
Wen ci yeen thiëc ye lɔn ye yën guiëër rot cuɛ̈t bi kɔc cuɛt la ruöne yen luui Kiir dit thin, ka ci lueel aci leu bi ŋic ku rɛ̈ɛ̈l ee lɔn ci baai guöp cuui ka looi rot. Erin tɛ yeen raan bɛɛi ku go nyiääi ke këëc pɛi kadiäk cäŋ thööl kënë acin ke leu ku bi raan looi pɛi kadiäk yiic erin ye yeen kaam bi raan kë ci raan tuëŋ looi keek c̈aath keek bi tïŋ yeŋo leu bi muök thin ku yeŋo lwic ku bi waar.
Ku kaam kënë aya ee kaam koor leubi lueel ka lëŋ ke leu raan bi gua looi thin erin ka looi aye kaam nyiäi bïk jal tïc wal bïk rot jal nyuɔɔth. Aci kuany yic lɔn nada pɛi kadiak alik ke ke kaam bi raan nɔk ku bi luɔi deetic ku ciok rot piny ka looi yiic ku na ye raan bɛi ku go nyiaai ka cïn ke leu ku bi raan thin.
Kɔc ci keek kuany aye bɛɛi ku go keek nyiäi ke raan keec ye guöp pial pïny bïk näŋ ke looi kë nyin den ci keek piääc kuääny thin. Aci kuany lɔn ci Makuei Lueth luui akuma bɛny Kiir yic. Makuei ee kɔc gɛɛt ku kɔc jaam käk baany aye riääc lɔn bi kek nɔk tɛ jɛ̈ɛ̈m ke cie akuma ye miɛ̈t puou ku lueel ke cɔl nhomlääu jam ee ke path ku na cɔɔk ɣa pan muɔnyjäŋ ka baany aye laat thin ku aci kɔc ye nɔkku acïn ke ci looi bi ya tïŋ ku kee raan ci ciëëŋ thin apɛi ruun jueec yiic.
