Löön piööc pan Australia ee bɛn keek kajuääc tɛn dupiööc ee rin ye keek wïc bïk ke cï gɔt piɔ̈c ku tɛ ye piööc luɔi thin bi ya buɔ̈th yic tɛ cit tɛ wic athor yeen ku tɛ ci yeen guiɛ̈ɛ̈r thin.
jam daan kënë keek dupiööc Johk Atuer Weiu abuk deetic tɛ ye yeen thok looi thin tɛ wiëc yeen tɛn mithpiöc, midhiëët ku dupiööc ku tɛ ye keek luui thin e tok bïk rot deet ku koony ke mɛnh aye mïïth pioc ke ye lön ci maat yic.
Aci dupiööc jok lueel lɔn nada ke meth ee lɛ̈ɛ̈ŋ 75 buɔt yic ku raan piööc keek 25 buɔtic ku kënë kënë aye nyuɔth lɔn tɛn ke ye piööc luɔi thin acui rot waar tɛn lɔn waar ye dupiööc lɛŋ 75 ku mɛnh piooc 25 buɔtic. Piööc tɛne ee midhiëët wïc bik nyïn ya reel piööc miëth ken yiic ku ke midhiët ku dupiööc wïc ya luui etok ke ye lön ci maat etok.
Dɛt ci bɛn lueel ee lɔ̈n ɣön tök ee yen tɛ ye kirëëc eben jɔk thin tɛn mɛ̈nhpiöc ku awïc löön bi ya looi akölköl. Kënë aye wïc bi näŋ aguiɛ̈ɛ̈r ci looi bi ya buɔtic ku ba mɛnh du dɛt puou ku duk ye gɔ̈ɔ̈k. Ac luel ku ba mëeth ya dɛt puou ee töŋ kapath bi raan ya looi.
Dɛt ci bɛn maat ee lɔ̈n tɛ ŋɛɛny panpiooc Pentok yic a path bi raan gat tɛn dupiööc ku bi rot luel tɛn yen ku leec wɛt lon looi tɛn erin ye yeen mɛnh du piɔ̈ɔ̈c. Kënë looi ee lɔn bi dupiööc ye ŋic lɔ̈n kɛ̈ɛ̈c yïn keek mɛnh du kuna cï kääc keek mɛ̈nh du yeŋa dɛt bi yeen bɛn lök looi tɛn yïn.
Wɛt dɛt ci Johk bɛn mat thin ee ke pɛth yeen bi dupiööc, mith ku midhieet bïk luui etok kawën wïc luɔi ci maat yiic kajuëëc piooc meth yiic. Ke ben lueel tɛ mɛnh du yïn tïŋ yï thiɔ̈k thin ka leu bï ŋiëc latueŋ keek gäät de pan piööc. Yeen apath aya bi raan ya thuec keek mɛnh du ku lëëŋ kaam ciäk looi bi wek ya kuën ke lëŋ tatöŋ cäk looi bi wëk ya kuen thin aköl thook ee ben ke ye ke caa muök thin keya, aci Johk bɛn luëël.
Ku bi wɛt ke thool ka ci kuany lɔ̈n nada ka path bi mïïth ŋiëc ya cam ku niin apath erin kënë ee meth kony bi dit ke puɔ̈lguöp ku ŋic piir. Aci thööl ciök wɛt nada meth aci wic bi kuɔ̈ny bï piöc nhiaar ku ŋic luui thin gäät de yic.
