Australia eSafety Commissioner aca athor leŋic lööŋ yam wën bi keek ya buɔ̈tic bɛɛi bei tɛ akut lɔ̈kaɣukaar wën mïth kor lik ruön ken tɛn 16 gel wën ci akum looi.
Na cɔ̈k ɣa lɔn ŋoot gël gël kënë këëc gua jɔk ku abi jal jɔk aköl nin11 Pen Thiäär ku rou yic ka bɛny akutnhom ee lɔ̈kaɣukaar luel kewënye ya lɔ wël yenh raan awic ku be dhiɛ̈l gël bi rot ci ye looi.
Aye akuma lueel kënë ee yen lööŋ tuëŋ pinynhom mïth liik ruon ken tɛn 16 gël ku aci looi riɛ̈ɛ̈ŋ leu bi rot loi tɛnë keek tëkic.
Bɛɛny wɛt akuma lëëk Anika Well aci caal ka bi keek ya buɔ̈tic waköl laar ku ye athor bi ya buɔ̈tic.
Ruon waar Australia aci lööŋ kënë cɔl atiɛ̈ɛ̈m barliman yiic löŋ wën akutnhiim lɔ̈kaɣukaar gel bïk mïth lik ruon ken tɛn 16 ci ye pääl bïk naŋ keden ye keek lɔ thin ku ɣɔ̈n kɔ̈k yiic.
Yakölë yaar 55 ke lööŋ bi keek ya buɔtic yeen lueel, ku awuöc taau kɔc lëŋ akutnhom social media bïk ya thiɔ̈ɔ̈k kɔu tɛ̈n meth wala nyiɛ̈ɛ̈i kek thin e lëŋ muök lɔ gɛi ku jam, ku gël kɔc lïk ruönken tɛ̈n 16 bïk ci ye luöi wala bïk rot bɛn gäat piny bïk bɛn ŋaany kɔu.
Aci eSafety Commissioner, Julie Inman Grant, lieel kɔc bi yiök ke ci wɛ̈t kënë dhööŋkɔu abi keek dɔɔm cïn ke ci keek löŋ dhöŋ kɔ̈u ku aleu bi keek yiëk ariop bïk tɔu piny ke million $50.
The eSafety commissioner abi rɔɔm keek akutnhom social media baai alɔŋ Silicon Valley wik dɛt bi bɛn kenë mɛt thin agut Apple, Discord, Open AI, Google ku Meta ku bïk kakkä jäämic.
