Muök mïth tɛwën ci wëëth ye kɔc ke nyiin cath thin kiith ku tɛ ci yeen yiic riɛ̈l thin tɛ̈në midhiëët ku bïk miëth keen doot cök muök yiic.
Muök mith tɛ̈wën cï wëënh ye kɔc ke nyiin cäät thin jal juëëc geeu ku mïdhiëët ke ci jal rɔm keek loilooi wën keek muöknhial yirth keen rot.
Dr Santino Atem Deng aa ca athor gɔt ku ke ye jam "Muök mïth ruön leŋ yen wënh ye kɔc ke nyiin cäät thin." Athor deen aci gɔɔt ku ke jaam tɛwën ye muök mith kaam wën cï wëëth ye kɔc ke nyiin cäät thin ke nyin juääk. Ku acie yeen cɔl aa puɔlic tɛ mïdhiëët wɛ̈t ci muöök mith rot waar tɛden thɛɛr ke ŋic yeen thin wɛt ci kajuääc rot mat tɛ ye muök mïth.
Aci Dr Deng lueel lɔn nada muök mith aci rot waar apɛi tɛn tɛthɛɛr ke ye mïth muök thin wɛ̈t ci wënh ye kɔc ke nyïn cäät thin rot juäk ku kënë aci mïth cɔl aye daai apɛi kaam dit yiic. Dɛ̈t ci maat ee lɔn nada midhiëët aa wïc bïk ya thiëëc kuɔɔny tɛwën leu bi keek yök ke kuɔɔny thin. Ku ben lueel kuat aa wïc bi nɔŋ lööŋ cïk keek guiir tɛ ye keek cëëŋ thin baai tɛwën bï keek wëënh ye kɔc ke nyïïn caat thin ya luööi thin, mɛt thin agut thin ke bi yeen ya thiɔ̈ɔ̈k thiɛɛi ku looi kaam bi yeen ya thiɔ̈ɔ̈k bïk guur thok tɛ ci piny cuɔ̈l.
Aya ee piath bi näŋ kaam ci looi tɛwën bi miith ya kuëën thin kaam ci teek thok bï loon ci yiëk bi keek ya kuëën thin, kën yeen rɛ̈ɛ̈l thin ee ku midhiëët miëth ken ya kuɛ̈ɛ̈n erin tɛ ci miith ye kuëën baai ke kuɛ̈ɛ̈n den paanpiooc awïc bï bɛn ya juäk thok baai midhieet. Na cɔ̈k aa lɔ̈n këc raan kuëën ka lɛu bi miëth ke ya kuɔɔny bïk ke cök riëkpiny gäät yiic ku ciök ka ke nhiim ku bïk miëth keen muk apath koony ke keek piir yic.
