Ɣok aye kɔc bɔu baai tɛ̈në ka ɣok ye abikaat buk mɛt kada ku buk pan ciëëŋ ɣok thin buk ciëëŋ kadi. Pan rëël ɣok thin piny Australia ku buk roolda buk ya thiëc kadi kawën looi akuma ku kajuëëc nuään kaackua ba akuma keek ya looi kada.
Jamda keek Elijah Buol OAM, ke ye Raandit Gɛ̈ɛ̈tkäŋ piny tɛn Akutnhom Akutnhiim Abikaat aci lueel aleeŋ kajuëc ke ci keek jaamic tɛ ci keek nhïïm mat thin. Alɔŋ bääny yeŋö buk looi ka ɣok baany erin ku buk akutnhom da buk bɛ̈inhiäl.
Kën ŋuaan ee luɔi erin kɔc juëëc kua aci thok kuɛ̈n ku abi athor keen ci keek kuën ku amuk ke keek bɛɛi yiic ku luɔi arilic tɛn kɔc kɔ̈k. Kɔc ka buk keek dɔɔr cin wudi ku buk dhël liëp keek kada bɛŋ akuma, bɛ̈ŋ loiloi ee ɣɔɔc ku kɔcdit lëëŋ loiloi buk dhel kenë buk liëp keek aya.
Ku aci wël ke jal bɛn thool ciok wɛt tɛ bi mïth muök thin ago ke piirda ɣäth tuëŋ erin rïïny
da ee këne bɔ baai tɛ̈në ku rïïnydɛt aci jal bɛn dhiëët baai tɛ̈n ku awic bi keek nyuööth ciɛ̈ɛ̈ŋ da ke ɣok ye kɔc köök baai tɛ̈ne ke ɣok ye abikook.
Latuëŋ da ee bï röölda ya pïŋ, buk kɔc ya dɛ̈t puöth ya bäŋ ka looi yiic ago akuma rɔ̈ɔ̈lda pïŋ erin bi ɣok ya jäl ka cirëët ɣok nhïïm ku bi rööl kɔc ci bɛn ya taau keye tuëŋ tɛ leeŋ yeen lön luui keek.
