Mɛ̈tmɛ̈t nhom këne aci guiir akutnhom Ciɛ̈ɛ̈ŋ kuät kuötic wɛ̈t piälguöp ku tɛ bi kɔc rëël kek piäl nhom. Tɛ bi kɔc keek nhïïm mat thin ee abai jaam käk pïal ee rin tɛn ke bïï kɔc tuɛ̈nytuɛ̈ny kek tɔu ke kɔc aci leu bi keek ŋic tɛ këëc kɔc lɔ pan Akïïm bi keek them ku cɛɛr keek tuɛnytuɛlny ciëŋ thin.
Erin tɛ këëc raan caar ka cï leu bi ŋic ye tuäny ŋo buöc kek raan ku aci Elijah Buol lueel tɛ tɔu yïn tɛ këëc pial du ŋic apɛth ku yïn arɛɛl ke tuäny ka leu bi wɛɛi ku baar wei ku ba piäl du ŋic ee pïïr koony tɛn kɔc. Mëën ci kɔc ye kɔc ciëëŋ etok aye kuuc tɛ leu bi raan kuɔny thin ku na ci kɔc nyuuc bi keek jäämic käk piälguöp ku bi ŋic bi kɔc tɔu ke puolguup kada aköl dɛt bi bɛn.
Aci bɛn mat thin ku lueel mɛtmɛt nhom bi kɔc ke nhiim kënë abi kɔc cɔl aa jam thin kajuëëc bi keek jam thin keye käk piäl guöp, tuɛ̈nytuɛ̈ny ku jɔl ya kɔ̈k maam kɔc alɔŋ piälguöp, ku yeŋo ye tïŋ keye kï bi kɔc koony bïk kajöör tiääm tɛn kɔc ci köök tɛn ku kɔc kɔ̈k bɔ bɛ̈ɛ̈i kɔ̈k. Erin bɛn ci kɔc bɛn pan Auɛtralia kɔc akë lëŋ mïïth kɔ̈k ye kä keek caam ku kɔc kɔ̈k abɔ piny wën ci piäl ye piäth thin ku apɛth bi kɔc ya nyuc bi kɔc jäm thin bïk keek jäämïc ku bïk käŋ piälguöp ku piäl wëi bïk keek ya jäämic. Aci Elijah Buöl kuänyic.
Dɛt ci bɛn mat thin ee lɔn töŋ ka dhɛɛl kɔc ci bɛn keya abiköök ee pialguöp ku akuën den adit apɛi tɛn kɔc ku kuööc ee thook aleŋ aläŋ de kedit apɛi, kuna kuc thook ku lɔ raan panakïm ku acïn ŋïëc ee thook bi yeen tuääny kuääny tɛm akïm ke töŋ tɛn keek. Yen apɛth bi näŋ ŋiëëc ee thok ku bi raan ke nɛk yeen ŋiëc ya kuänyic apɛi tɛ tuɛ̈ny yeen ku nɛ̈k tuääny keda.
