Jaam wun Dau nääk mɛ̈nhde yiic

Nääk Dau Akuëny ku Chol Achiek

Dau Akuiny ee mɛ̈nh thiin thuëc kura ku ke kura mïth lïk ruönken tɛn ruön 16 ku ke kuum kur tɛn mith lik ruönken tɛn 12 bïk näŋ ŋiëc kura. Aye Albino ake luui tɛden luɔi ku ke yen tɛ ci yeen yuöp telphun thin lɔn ci wën ciök maar ku acie yiök tɛ yuup yen telepun yic. Ku tɛnë yen ci yeen riänden ke ciɛ̈th tyen nyiäi piny tɛn luɔ̈i ku kueth ɛ̈ɛ̈c Uber bi yen riɛ̈ɛ̈ŋ baai wën ci nyande yeen yuöp ku bi bɛn baai.

Aci Albino Akueny luel lɔn nada wënde ake dhuk baai ke ci lɔ thuëc kurra wala aci kuura mith lik ruonken tɛnë 12 lɔ kuum tɛ den ye keek thuec thin Cobblebank.

Aye Albino luel lɔn mɛnhde anhiaar thuëc kurra basketball ku aci yen kɔɔc thin keek yen keden nhiɛɛr bi thuɛ̈c yic. Ku ben mat lɔ̈n nada ka wën aye maan bɛ̈n lueel "DAU ke kurra" ku wɛtden yiic Dau ee nhiaar kurrabi thuɛ̈c kuat tɛden reel thin ku aci ye puöl ciök bi thuëc yeen këne ee yen ke man jam keya.

Dɛt ci bɛn mat thin ee lɔn nada wënde ake ye thuëc kura basketball Collingwood tɛn mïth lïïk ruönken tɛn 16 ku aye puöl bi lɔ thuëc mïth leŋ ruön 17 wɛt ŋic yeen thuëc Basketball apɛ̈i. Waar ci ɣɛ̈n yen yiök ke ci Albino lɛ̈k mɛnhde duk ye bɛn lɔ thuëcc tɛn ku ruuwei, go Dau luel yeen acie thuëc rot ɣen ye yeen lɔ ee kura mith kuum ku aye dɔm wëi thin ke ye luɔi.

Ku kënë ee yen ke ci yeen puöl thin bi ya erin ŋo wëu keen thinye yiök thin aye yen kakeen wïc ke ci mën waarke aye gua ɣɔ̈ɔ̈c thin ke ci ɣɛn ben thiëc keek. Aci Albino kuanyic.

Dau ee mɛnh ku këne ee yeen ci mïth ya bɛn tɛn yeen bïk bɛn piöc tɛn yeen ŋiëc thuec kuraden yic, agut ci mïth waar bi keek bɛn thiëën dhïlic aya tak ake bɔ baai bïk bɛ̈n thuëc na lɔthɛɛr ke jɔl jal bïk lɔ bɛ̈ɛ̈i ke nyic erin bɛiken athiɔ̈ɔ̈k ke baai ku ake ci kura den lɔ kuum tɛden thuëc kek thin Cobblebank.

Ku Dau aci nok ke looi keden nhiɛɛr ku luel maan Dau ke kurra ku kënë aci ɣok bi käŋ muör nhiim acïk midhiet kuanyic.