Piälguöp ee töŋ ke wën ye kuät raan ee ben nhiäär reel ke yeen ku wïc piälde ŋïc ku ba root tiit tuaany. Bi raan näŋ ŋiëc piälguöp de ee töŋ karilic apɛi wïc ku bi taau kɔc nhiim ku dhɛ̈l ye yïn tɛ rëël piäldu thin.
Tuɛ̈nytuɛ̈ny wën kɔc liääp ku aye keek yiök tɔ̈ɔc̈ ku rɔm ke kɔc tɔ̈ɔ̈c yic ku baai piɔ̈ɔ̈c ku bïk ŋic ye tɛno leu bi raan piälde cɔl aye ŋic pëk thok ee tööŋ wën rilic apɛi tɛn kuat raan eben akutnhom baai ku wuut yic.
Ee jaam dan këne yic ke bi ɣok jaam aa tuɛ̈ny tuɛ̈ny wën ye keek yiök tɔ̈ɔ̈c yic ku dhɛ̈l kɔk wën keek bɛn kɔc guöp ku piäthde bi yïïn laac them bï yïïn piäl du ŋic rëël kada.
Magadalane Adiing Yel, ke ye raan piööc käk piäl guöp thoktɛkic, kek Akutnhom RED Cross, SA, ee kɔ̈c piɔ̈ɔ̈c ŋiëc piälguöp alɔŋ tuɛ̈nytuɛ̈ny kɔc liääp ku aye yiök tɔ̈ɔ̈c yic wën ci yïn rɔɔm kek ci liääp yen, cimene chlamydia, gonorrhoea, syphilis, genital herpes, genital warts, ku HIV. Na ye kɔk kaamken yiëk dööc ku gël kek bïk ke nyiin ci juɛk wala bïk kääm rëël thin thiɛ̈i kɔc guup . ka yen alëŋ dhɛ̈l ye keek gɛ̈lwei kɔc guup cimënë kewën ye kɔc ciëŋ käŋ kɔc gël ku ye rot tiit aya kɔc wën ye yïn tɔ̈ɔ̈c ke kek.
Aci luel kek a kɔc akutnhom baai piɔ̈ɔ̈c bïk piälden ŋic ku ŋïc ke rot erin bi keek rot cɔl athem bïk piäl ŋic ern bi raan rot cɔl aa cɛ̈ɛ̈r panäim ago yïn yeen ŋïc lëŋ tuɛ̈ny tɔu ke yïïn.
Tɛn raan wïc ku bi piälde wala wïc ku bi caar tuɛ̈nytuɛ̈ny käk ka yi lɔ tɛ̈n akiëmdu ee yeen raan bi ciök nhom ku lëk ye kada lëu bi yïïn yeen ŋic na tɔu kek tuääny tök kaam ke ku ye dööc yïnda leu bï yïek yïïn.
