Ruun ka dhoŋuɛ̈n ciök ciën ke ci Thurumbil kɔc jɔt määc dɔɔm Pan Queensland ku yen aye tiŋ ku cɔɔl ke ye kɛ̈ɛ̈c.
Aguëk Dau Nyok ee ye raan kuëth Taɔi ku aci kaam nyiääi bi nhïïmke tɛ̈ɛ̈m.
Kaam tuëŋ cïn yen kë ci rot gua looi riääi ee ci tëëk ke lɔ̈ɔ̈m ke lëŋ thook jam ke mäthde. Na wën ci jal lɔ yuul jal tɛ ye kɔc tɛ̈ɛ̈m thin ku aci lɔ yiök ke ci thiääŋ go lɔ̈k jɛ̈l ku abi bɛ̈n lɔ dhuuk lathɛɛr bi jal bɛ̈n tɛ̈ɛ̈m nhom
Wën leer yeen ɣët aɣer go Riääi wën thɛ̈ɛ̈r ci tëëk e lɔ̈ɔ̈m yïök ke ci maac dɔ̈m.
Aguek Dau Nyok, Yellow Cabs driver who rescue trapped passangers on a bus on fire in 2016 in Queensland. Credit: Supplied by Aguek Dau Nyok
Ye tɛ̈në akëëc bɛn tït ku bi bɛ̈n thiëc yeŋo ke në yiënda. Aci gua bɛ̈ɛ̈k thin bi tɛ̈kic yeŋo leu bi looi wën ci yeen riääi tïŋ ke cïï maac dit thin abäŋ tuëŋ ku e ciënyeen ŋuɛ̈n. Ku aci jɔk bi bɛ̈ɛ̈p ciën yeen jɔɔk wëcwëc ku bi them ku bi ye thook liëëp.
Kɔc ake ya pïŋ ke ye cööt, koony ɣook! Koony ɣook! Koony ɣook! ku ye tɛ̈në akëëc bɛn kɔ̈ɔ̈c bi takic tɛ̈ bi yeen këëk kuɔ̈ny thin aci gua tïŋ ke maac dit tuëŋ ku a ŋuɔ̈t koor abäŋ ciën. Aci Aguek Dau Nyok kuänyic.
Wën ci yeen them bi bääp wëc ke kïïth yic ka cï ye thok ŋääny ku kɔc aci jal wët bei. Aci bɛn mat thin ku lueel yeen ee ci Nhiälic tooc ku bi pïïr kɔc kë bï keek doot bi keek puöt bei riɛ̈ɛ̈ŋ mänydit ke dɛ̈ɛ̈p yic.
Ruön kadhoŋuɛ̈n ciök ciën aŋuɔt ye takic ke ye kedit rilic apɛidittet. Ku ke pɛ̈ɛ̈th ci rot looi nyïnic acï kɔɔc ci keek puöt bei gua dhuök lɛ̈ɛ̈c thin. Ku beny muk akuma pan Queensland aci yeen yuöp aya bi dhuök lɛɛc aya, ku niin kɔ̈k ciök ciën akut Sikh community ke ye Indian aci yeen bɛn tuöc ku bïk la dhuök alɛɛc na cɔk ɣa lɔn ke ci raanden thou.
Aguek Dau aci jamde thööl ke ye luel lɔ̈n nada kaam kënë yic kajuëëc aa ke looi rot thin ke ye käŋ rin baai kuöc luɛ̈ɛ̈l tɛ̈në kɔɔc kɔ̈k ku këne ye ke ci rot looi aci kɔc yiëk ke dɛ yeke kɔc ke ye kɔc pɛ̈th ku acië kuat raan ee yen thööŋ baai.
“Nhialic aba ya lɔ̈ɔ̈ŋ ku bi ya kediik ye kɔc ci lɔ pandɛt yen ye looi, “yïn ee yïn raac ci tooc ku ba pan Junup Thudan luɛ̈ɛ̈l, ku yeen ee yen raan ci tooc wuöt Africa yiic, ku apɛth buk root paal piny ku ye raan ke wënthɛɛr ci kɔc bi ya yiɔ̈ɔ̈ŋ guup, ci kɔc bi ya yiën kawääc ku ci kɔc bi ya yiëk wɛ̈t raac cimëne ci ɣɛ̈n yeen looi acië kedie ɣɛn ee tök ee keda odhie ɣok kɔc bɔu ɣok caath, ku na ca bɛn ye cääth ke yï pɛ̈ɛ̈l rot pïny ku lööŋ pan wën ci yïn lɔ thiin kuɛ̈ny ciök ku na ca kuäny ciök kacïn ke rilic lëu bi yiök.” Aci Aguek kuanyic.
