Mɛtmɛ̈t nhom kënë aca akut riënythii bɛi etok bɛɛi tɛ̈ɛ̈kic pan Auɛtralia bik wïït, ku thuëëc ke käk riëënythii cɔl aŋic rot kaam ken. Keek ake ci ke yiic teek kënë yiic bïk näŋ akut bɛɛi rɛ̈ɛ̈l ciëlic ku leeŋ akut bɛ̈ɛ̈i rɛ̈ɛ̈l aɣeer wiëtden yic ke ci keek rot teek keya bi keek wëër.
Aci kɔc jueec ke ci bɛn jaam piäth kawen riëënythii mat nhïïm bïk kääk ciɛ̈ɛ̈ŋ nyuɔɔth ku been kä rot ŋic kaam cï keek bɛn rɔm.
Kotnyin Bul Thon ake ci lɔ thin ku aci kuaany lɔn wiit, diëër ku alɔɔc aa ke ci rɔɔm bïk piääth apɛi ku ke path mïth riëënythii bɛn yok bïk ciɛ̈ɛ̈ŋ, dieer ku thuëëc keek nyuɔ̈ɔ̈th.
Aci lueel nyooth ciɛ̈ɛ̈ŋ tɛ̈në rïïny koor ee kewën keek cɔɔl aŋic rot keek riëckeen kɔ̈k wën ci keek bɛn rɔm bïk wït ku diëërke ee tok. wït këne ee mïth piɔɔc ciɛ̈ɛ̈ŋ ku tɛ den bii kek thiin bɛ̈n nyuɔ̈ɔ̈th. Amer Maluk aci kuääny yic lɔn nada ciɛ̈ɛ̈ŋ ee mith piɔ̈ɔ̈c bïk rot ŋic ku tɛden bïi keek thin ku käk ciɛ̈ɛ̈ŋ paanden.
Dɛt ci bɛn lueel ee lɔ̈n nada rëël kɔc dit thin tɛwen thuëëc ee kɔcdit cɔl leeŋ kaam bïk mïth wɛ̈ɛ̈t karɛ̈ɛ̈l pïïr yiic ku bïk rot ŋic.
Apajok kek nyiir rieec ken lueel ke wït ku nyooth käk ciɛ̈ɛ̈ŋ yen keek bɛ̈ɛ̈i bei bïk daai ku nyooth ka ciɛ̈ɛ̈ŋden aya ke ye riënythïï ku bën keek yïïk kaam path bïk bɛn rɔm bïk rot deet ku wɛtke rot kaam bi naŋ ka piööcc ke etok.
