Cäär ku thïïc në ajuiɛɛrë SBS Radio atɔ̈ ke cë liep të nɔŋ raan ëbɛ̈n në ye mɛn

Në ye akölë ke akutë SBS Radio atɔ̈ ke cë thïïc ben kɔc thïïc liep thok në ajuiɛɛrë të benë SBS Radio caar thïn në tɔ̈de në ye mɛn, kɔc ye piŋ aye kek cɔl, kuɛɛt kedhia ku jɔl ya akuut cë ya nɔŋ luɔ̈i thɛ̈ny rɔt ye luɔië aye kek thïïc bïk nɔŋ kë luelkɛ̈ agut cë pɛi thiɛ̈r ku rou ke ye nïïn thiɛ̈r ku tök në yomlät. Akutë SBS atɔ̈ ke cë rɔt juiir ago ajuiɛrë radio ya caar në kaamë run ke dhïc ku ye rɔt loi të cenë kɔc kueen ago luɔ̈I ya thöŋ kenë akeerë kɔc ceŋ Australia në yekölë. Bë cäär ku cökpinyë radio SBS ya loi në nyindhia alëu bë nɔŋ dhɔ̈ɔ̈l piɛth lëu benë ke kuɛɛt dït ke panë Australia ya luɔ̈ɔ̈i ku bë ya nɔŋ ajuiir ye kek luɔ̈i kek. Kë bë loi në yekölë, ke kuɛ̈në runë 2016 abë lööm ku thööŋë kenë të benë ajuiir ke SBS Radio ya luɔi thïn në thook yenëke ciɛl.. Tɛ̈ŋ bë bɛ̈nbei abë jäl loi në runë 2017 në akutë SBS, kunë ka cë roth waar kedhia cë kek kan ya mat kek ye biänë tɛ̈k ku të yenë kɔc ye piŋ tɛk thïn, ku ajuiɛɛrë të benë kɔc ye piŋ ya kuɔny thïn të kɔr kek ye, në lëkkë ka ye kek caal në ageer ku në luŋ ke dïgïtɔl ku ajuiɛɛr yenë ceŋ lɔ keke war röth në kuɛɛt ke Australia yic kedhia.

SBS Radio begins public consultations Source: SBS