Wïïk Bona Malual Madut aci bɛ̈n ke liääp nhöm ke dhuur yeen ku ke cɛm yaai wɛt ye yen raan ci baai luöi ku aca läŋ den looi tɛ ŋic yeen kɛ̈ɛ̈c deen ci nyuɔ̈th waar këc pan Junup Thudan gua tëk bëi bi pɛn lääunhom.
Tɛn kɔc juëëc ci jam riɛ̈nke aye ka lueel waar ŋuɔt pïïir yen aci kajuääc looi bi yleu byen ya taak mat thin agut kɔc ye kuänyic lɔn nada ka yeen acie raan leu bi dhuur ku ke loor yen wic bi jootbei bi dieer.
Aci bɛny buɔth Rebecca Nyanden lueel Uncle Bona Malual acie raan lëu bi kɔc dhiääu yen awic bi yee läär ke joot beei bi dieer ku cam yääi. Ee jamde yic aya aye lueel Bona Malual acie thuɔ̈u yen ci yen thuou ku lueel "aci niäär" ku ben beer yic lɔn yeen kee niäär yen ci yeen niäär. Aci wën ke thööl ciök ke ciyeen lueel lɔn nada ke lɔɔr ye wïc jɔ̈t bei bï yeen luöi yaai bi yeen kɛ̈ɛ̈t nhom ke ye dhuëëŋ.
Aci Lily Albino bɛn lueel aya lɔn nada raan dit cit Bona Malual aye lueel ka ci wïïk acie thuɔ̈u yen ci yeen thuou erin yeen ee lään dit ku län dit aye lueel ka ci wïïk ku awïc ku bi luöi yäi bi kɔc wïïth ku cuɛ̈k kɔc ke thook ku yup lɛɛl̈la ke dhëëŋ ye loi.
Aci Dr Madiing Deng luel aya lɔn Bona Malual ee kɛ̈ɛ̈c acie raan wën riɔ̈ɔ̈c ku acie yic ye wän thook ke ci luëël tɛ tïŋ yeen yeen ke lëŋ ka wääc ka lueel tɛ cït tɛ ye tïëŋ yeen ke ye ke ci wääc. Ku ben mat thin ke cit ke ci kɔc tuëŋ käŋ lueel lɔn yen ee raan cï baai luöi käk keen ye looi yiic eben.
Aci Gen Piɛ̈ɛ̈ŋ Deng Majok lueel aya kee dhëëŋ yen wïc ku bi looi door yeen ke cië dhiëu yen dhiɛ̈ɛ̈u kɔ̈c ku anhiɛ̈ɛ̈r bi kɔc puoth miɛt ku luui yai bi dhëëŋ yen nyuuth yen dhëëŋ diëër kɔc keek miɛ̈t puöu ruun keen ci looi piny agut bit yeen tɔ̈ɔ̈u.
