Lääthic tëktëk yic ci weu ye weeu dhuk ciök tekic 3.6 bɔɔt akut RBA pan Australia ku yeŋo këne wɛt de yic tɛn kɔc wën ci ɣɔ̈c bɛɛi wëu nyiäi amudho tɛn bank ku yeŋo këne wɛtde yic aya tɛn kɔc wën bɛɛi riɔ̈ɔ̈p yiic.
Aye lueel kɔc wën rɛɛl ke ye riënythii pan Australia aye ke ŋuɔ̈th mëne ci yen jal dhuk piny abi ya kaam pɛth tɛne keek bïk wic ɣot bïk keek ɣɔc ku aye cië yic ye piäl erin bi kɔc juëc yeen yiök ke ye kaam dɛt ci piääth tɛ̈në keek ya bik ɣɔc.
Anyang Majok Ayuen ke ye mortgage broker kek akut nhom Certitude Finance, aye luel mënë thin kënë ee yen kaam bi kc ke ci riɔ̈ɔ̈c waar tɔu weeu nhial abi keek cɔl aŋɛɛny ku bïk them ku bïk ɣɔɔc. Aci bɛn mat thin ku luel këne ye bi rëël thin ee wɛt bi kɔc juëc nhiim rm thin ke wic bïk ɣɔc ku abi ɣot cɔl alɔ nhiäl tɛn thɛɛrden ke tɔu yen thin.
Yeŋo bi yen rot loi keya aci luel ke lɔn kɔc juëc abi bank puöl bïk nyiɛ̈ɛ̈i weu juec tɛne weu ke ye ke ye keek puöl bïk kek nyiai amudho ku wëu leu bi keek yiëk raan bi dheen aleu bïk juec yemënë, tɛ thööŋ yeen kek kaam thɛɛr ŋot weu ye weeu ci nyiäi dhuk ciok.
Dɛt ci bɛn lueel ee lɔn path yen bi raan jal ke raan leŋ ŋiec weeu tɛ ye kɔc nyiɛ̈i weu thin bank bïk yen lɛ̈k ke leu ku bi looi tɛ ke'c yen gua wic baai ku bïk tïŋ tɛ yen leu bi yiëk kada bi keek nyiäi ke ye weu ye dhuk ciök bank yic.
Kene aye luel ke yen ke tuëŋ leu bi raan käŋ looi tɛ kec yen gua lɔ wic baai ka raan wic bi käŋ yiëk ke ci yeen gam lɔn leu yeen bi äl weu dheen keek.
Aci luel kɔc juec abi lɔ tɛn ɣɔɔc teer abi rëël thin tɛn ɣɔc ku abi käŋ wala ɣot cɔl aa juɛ̈ɛ̈k rot ku aci luel waar ci weu käŋ tekic RBA kaam aci bɛɛi cɔl aa juɛk rot tɛ̈n tim $40,000 tɛn pɛɛi kadiäk ci jal.
Ku mëne ci yen bɛn tekic aleu bi ɣoot cɔl aa ben lɔ nhial dɛt erin bi kɔc juec yeen wic ku bïk dhëën ku ɣɔ̈ɔ̈c ke baai ku këne erot abi ɣot cɔl aa juɛ̈k rot wëu ɣɔɔc keek erin bi kɔɔc juääc puöl bik nyiɛ̈ɛ̈i wëu juec ye dhuk ciök.
