Bï mith thuec rot ŋiec aa maac käk ken looi ke yic ku bïk rot bïk ŋic yeŋo looike thuëcden yic. Ka ye looi bi riënythi muök nhiäk aye keek looi tɛne keek kaam rëël ke piny ke cïn panpiööc ben kek lɔ thin.
Bi kɔc rot mat bïk ye luui ee tok ee riënythïï puöl bïk näŋ mɛtmɛt lui kek lön cïk mat yic kua aci rot guir ku akut wen kak ken loi ee tok thuëcden yic. Aci Maker Mayek luel erin wic mïth ku bïk ya kɔc ci tiɛ̈m ka looikë yic kä wic bïk kɔc ya kɔɔc kek käkën looi ke yiic kuna ye mith midhiët tïŋ ke lɔ̈ɔ̈m ka ŋiëc luui apɛi ke looike yic.
Na meth kuany bi thuëc kura Basketball den cï ŋiëc looi ka ŋɔ̈ŋ nyin aci ben thiɔ̈k kek yen ku kaackë eben kuatden yic ku ŋɔŋ abïk nyiäŋ ke kɔ̈ɔ̈th ciën.
Aci bɛn math ku luel aya lɔ̈n mïth thuëc ku aci thuecden ŋiec looi ee kek puöl bik latuëŋ ke cïn ke ben keek määm ku abike ciök jal riëk piny thuecden yic ku bïk piirden akolda ciök tɛn keek.
Ee rin thuëc ee ke looi bï mith ya muök nhiäl ka looike yiic, ku mɛ̈nh pïŋ, mɛnh riäŋ ku raan ye keek cath awïc bi midhiët ya kuäny ye mɛ̈nh ŋa leu bi cäth keek mɛ̈nhdu ku ye dhɛl yinda yeka tɛ̈ɛ̈k ku mïth aic bïk athiɛ̈ɛ̈kdenya nyuɔ̈th ka looike keek yiic.
Dɛt ci Maker Mayek kuanyic ee lɔ̈n mïth ku midhiët awic bïk ya luui ee tok ka looike yiic erin kënë ee keek puöl ŋiëc luui löön cïk mat yiic ke midhiët ku kenë ee ke puol bïk lui ee tok.
Maker aci thiëc aya ke luel midhiët awic bi keek ya kuɔ̈ny na lëŋ kathiik ci döŋ ke kek tɛn ci keek kaken loike luɔ̈i ka piɛ̈th bïk ke cïnya gam aya bï miëthken kuɔ̈ny bï keek ya ɣɔ̈ɔ̈c alɛth, wɛɛr ku kɔk ye keek wïc tɛ̈ne luɔ̈i wën ye keek piɔ̈ɔ̈c thin thuëc kura aya.
kedɛt cit bɛn lueel ee lɔ̈n na ci mëth yiök keek tɛ bï yen gam bi ya thuëc ka wun ku man aci leu bïk nyin bɛn ŋɔŋ erin cci mëth paanden jɔt bei riac yic ku ŋiëŋ kä nyin ŋɔ̈ɔ̈ŋ ciën ke kɔ̈ɔ̈th ke cïk ŋiaŋ piny.
