Prime Minister Anthony Albanese aci lɔ neem ɣän wën ci aboor raac pan New South Wales yakolë ku aye tïŋ riääk aŋuɔt dit apɛi ku wëu bi wïc abi juëc tɛn baai eben.
Aboor aca akumadit pan Australia ku akuma gen walääya cɔl aleŋ aguiɛ̈ɛ̈r wen bi k loi bi keek kɔc ci riääk yiök dot thin bïk dhuk ciök ken yiic mat thin agut ci ci kɔc loiloi ɣɔɔc wei koor wen lëu bï kek dhɛ̈n weu kuɔ̈ɔ̈ny abi cɔɔl alooi rot Majilith ka 19 yiic.
Wik dhuuk puou ciën aci jɔk ku ke kam wën ye kɔɔc ke nhïïm bɛn thɔ̈ɔ̈ŋ ke ril keek ku yiëkke ciɛ̈ɛ̈ŋden nhiäl kaamken ke akutnhom Gɛ̈th Kɔɔc Tuëŋ ku kɔc kɔ̈ɔ̈k pan Australia.
Kɔc piir ee Rïïny ci Kuätwei yic pan Western Australiaabi lëu bi keek cuöt ee wɛt riɛ̈ɛ̈ŋ ke ci rot looi tɛ̈në keek wäär ci keek nyiäi tɛn kaacken riɛ̈l tɛn bɛɛi ken ku wuötken.
Acï akuma gen Walääya caal kɔɔc ŋuɔt ke pïïr abi yiëk tïm $85,000 ku aci bɛny Roger Cook luel acïe lɔn bi yen kerɛ̈ɛ̈c ke ci rot looi tɛn këëk dhuök cien ku aben ŋuɛ̈n tɛn lɔn cïn yen kï bi käŋ gam keek eben ku acïe lɔn leŋ yeen ke bi waar käk ke ci rot loi tɛn keek thɛ̈ɛ̈r yiic ku aben ŋuɛn tɛn lɔn bi yeen puöl ke cïn ke yiëk keek.
