Akuën loilooi kɔɔc luöi ci bɛn bei yaköle aye nyuɔ̈th lɔn akuën tɛdit ɣa diäär ke ci luöi ke juec apɛidit. Aci Australian Bureau of Statistics luel tim 25 juëc kɔc ci luiöi pen ci jal yic rot ku diar aa keek ci tïm 40,000 loilooi ye kɔc niin kadhiec thiɔ̈ɔ̈ŋ yic tɛn tim 60,000 kɔc ci luöi. Waar rëël kɔc ci luui 4.3 bɔɔtic aci jal dhuk piny menë 4.2 bɔɔtic ku këne aye nyuɔ̈th latueŋ aŋic latueŋ ke pɛth.
Bɛny akook Jim Chalmer aye akuma ac jal tɔu ke guiir rot wɛ̈t ci akutnhom ŋiëc luɔi nyuɔth wɛt wen ye keek nhiär bi naŋ nyuc piny bi kɔc jam wik bi bɛn kënë wɛt kën AI ku tɛ bi yen käŋ waar thin.
Bɛny America Donald Trump abi rɔm keek bɛny Russia Vladimir Putin nhiääk pan Alaska wɛt këne dɔɔr kaam Ukriaine kek Russia ku aye luel naye ke këc jam ŋiëc latueŋ apɛi ka bï pan Russia yiëk ariöpdit leŋ ke leu bi raac latuëŋ panden yic. wɛtden kenëe aci jal bɛn wɛt ke ci yen jaam keek bääny European ku bɛny Ukriane Volodymyr Zelenskyy.
Aye trump luel aya jaamden kek bɛny Putin ee yen tuëŋ ku na ci ŋiec latueŋ apɛth ka bi keek jal matnhiim ke bɛny Ukraine Volodymyr Zelenskyy bïk jal jaam tok ku aye bɛny Ukraine luel acïn jaam leu bi thool ku tem ke Ukraine lïu thin.
Jaam Israel kek pan wën leu ke bïk kɔc Palestinians jat thin alɔŋ Gaza kek South Sudan kënë wɛt wën jamdit tit cɔl a jɔt rot nhial erin na looi rot ka bi kɔc rɛɛl riääk yic wëën
thɛɛr jal bɛn jät riɛ̈ɛ̈ŋ dɛtic. Aye kɔc juëc luel lɔn bi yen bbɛ̈ɛ̈i nhiäl yïïth mɛnhraan. Bɛny luɔi käk aɣer Junup Thudan aci kuëc ku luel ka ci keek luel eben acïn yïïth rɛ̈ɛ̈l thin . Kɔc ka detem wën ŋïc ke looi rot acïk luel lɔn nada alëŋ jaam ci rot këne acïk dɛtic Akut lëk Associated Press.
Yen aŋuɔt këëc lɔ gɛɛi ci jaam ɣët tɛ̈no ku pëëk thook tɛno. Wël wën ci bɛn bei alɔŋ Israeli wën kek ci jam Haaretz, alëŋ jaam loi rot piny ke kɔc bït pan wën bi yeen gaam bï rɛl Gaza nyiäi tɛ leer yen tɛn kënë waan thok.
Kɔc Pan Palestinians, Akut yïïth mɛnhraan, ku kɔɔc kɔ̈k akutnhïïm pïny nhom aci kuëc ke looi rot erin bi kɔc thäänywei panden riɛ̈l ku abi lööŋ pïny nhom dhöŋ kɔ̈ɔ̈th.
Ku tɛn kɔc akuma Junup Thudan aye ka tïŋ ke bi keek ciɛ̈ɛ̈ŋden cɔl athiɔ̈k ke pan Israel, aya aye ke tïŋ ke leu dhɛl ŋaany thok ku America yen ci wɛt kenë jɔk ciök waar bi käŋ ke ci gël tɛn Junup Thudan bi keek lɔ̈ɔ̈u yiic.
