Aye Prime Minister Anthony Albanese luel kuënykuëny ci Labor kadɛt rou kek abi ke nyin tääu ciökpiny määthden kek kɔc mɛ̈ɛ̈th kek bɛ̈ɛ̈i aɣër ku bïk ŋïc latuëŋ baai ku lɔduk baai.
Akuën kɔc juëc aci bɛn bei bïk lɔ aɣer tɛ ci kɔc ke nhïïm maat thin alɔŋ Pakistan gëndit Islamabad ku bïk ke kɛ̈ɛ̈c k jëëc e baai nyuɔ̈th kaam thiɔ̈ɔ̈k ci keek dhɛ̈ɛ̈ŋ wääc kek India.
Bɛ̈ny America donald Trump aci luel ka ci puou mit wɛ̈t ke looi rot kaam Russia-Ukraine ku aye America theem bïk tɔ̈ŋ cɔl akääc ku thöök.
Mith kädiäk yemenë aci nyin jaal wɛt ɣon ci dɛ̈ɛ̈p wei pan Queensland gen ee Toowoomba. Mith karou kamken a jɔl nyin lɔ jäl pan akïm waar ci keek puut bei maac thok ke ci nyop ku acï nyin jal bɛn la jal thin.
Police aŋuɔ̈t ke rɛ̈ɛ̈l kek tik pan Akim ku kek a latueŋ ke jɔl ke deetic yeŋö ci rot thin ke wickë bïk deetic ke ci tïŋ kënë looi thin waar cibaai dëp wei.
Ee Pan South Sudan Bɛ̈ny Salva Kiir acï raan akut oppioition leader, Dr. Lam Akol kuäny ke yen bɛny wɛt akutnhom Käk cääth wathëi. Lam Akol ee yeen bɛny National Democratic Movement (NDM). Yen Aya aci Gabriel Changson Chang ke ye bɛny piööc tɔu tuëŋ nyuöc ku ku wɛɛr Madut Biar Yel nyiɛ̈nde yic.
