Bɛny Anthony Albanese aci caal lɔn nada ASIO [[Australian Security Intelligence Organisation]] aci wël wën lëŋ yiic yiith kuöt lɔn nada akuma Iranian aci näŋ ke ci looi käŋ karou yiic ci rot looi ke tuiir nhïïm Jew wala antisemitic pan Australia.
Wɛ̈t këne aci bɛ̈ny luɔi käk aɣer Peny Wong jal bɛn jam thin lɔn ke yeen kaam tuëŋ bi ambassador rɛɛl baai jal cuɔ̈p tɔŋ ciök ciën ke ci rot looi. Aci lueel Iran aci them ku bi rëël reel kɔc duk tɛ̈n kɔc akut wuöt tɛkic pan Australia, ku awic ku bi baai teekic wɛt rɛɛc loi ku bi kɔc riääc, mɛ̈në ku kɔc pan aa ciëëŋ riäkic karak bi rot looi.
Bɛny Victoria Jacinta Allan aci caal lööŋ yam bï tɛwën yë yeen wïc tɛnë kɔɔc tɛn keek miith abi keek lɔɔk ke tɔu tɛ̈n kɔɔc wën ŋuɔ̈t wïc ka ken yiic kuat tɛ̈ riëëc eben pan Australia.
Pan Junup Thudan Bɛny luɔi käak aɣer aci lueel jɔk thook waar aköl abi kɔc ya lɛ̈ɛ̈k ke looi rot kenë aci jjal bɛn war ci baai yeen wic ku bi keek ya lɛ̈ɛ̈k ke looi baai këne aci jal bɛɛn war ci yeen luɛ̈l ɣon lëëk tɛɛkic lɔn nada ke Junup Thudan kek Israel aa ke lëŋ jamden tɔu piny lɔn wic yeen bi kɔc pan Palestinians alɔŋ Gaza bi keek jat pan Junup Thudan.
Major General Akot Lual Arech aci jal luöny bei ɣöt tɛwaar ci yeen maac aköl nin 2 pen Bɛt kenë yic ku acïn kawën ci keek kuɛ̈ɛ̈n ye kɔu ku aŋuɔt bi jal tïit yic lɔn lëŋ käŋ ke cɔl yeen amaac.
