Acï Qantas lueel kawuöc yen ke ci rot looi waar tɛn akuën kɔc juec tɛn tim 1,800 ke ye kɔc luui ke ci cuɔ̈pwei luɔi ke këc lööŋ puöl, kääm ciën ci luuŋ Federal Court keek yiëk löŋ bïk buɔ̈th yic ku cɛ̈tke wëi million $90 ke ya ariöp ci yiëk keek. Aci akut kɔc riannhiäl kedeen cï lueel yic gaam ke ci luui tɛm ke guup yakölë wɛ̈t keden ke cïk looi ku riɛ̈ɛ̈ŋ ke ci looi tɛn kɔc keek luui.
Bɛny pan Australia Anthony Albanese aci jam telpun yic wathei keek bany piny nhom bïk jam looi rot kaam keen ke Ukraine ku bɛny America Donald Trump.
Aci gɔ̈t X, Mr Albanese ku lueel lɔn ci yen jam keek bääny bɛɛi cït U-K, France ku Mr Zelenskyy kaam ka cïïk jaamic ku bï rot tiɛ̈ɛ̈ŋ ee lɔn bïk näŋ dɔɔr ciëëŋ thin kaam Ukraine keek Russia ku abi ciëëŋ thin athɛɛr ke yen ke tuëŋ kaam käŋ ee ben.
Bɛny Ukraine aci rɔɔm ke Donald Trump yakolë pan America ku abi bääny kɔk European mɛɛt thin jäämden yic.
Na leer pan South Sudan ku Israel aa lëŋ thook bïk kɔc pan Palestinians kɔk tɔ̈ŋ yic ku ben keek jäl tɛdɛ̈t lëŋ yic tɔ̈ŋ cimëne pan rɛɛl ke ci tɔ̈ɔ̈ŋ raac wenthɛɛr ku aŋuɔ̈t buöc tɔŋic ku rɛ̈ɛ̈ŋ tɔ̈ɔ̈ŋ yiic ŋuɔ̈t latueŋ thin. Wɛɛt këne aci ɛbn ɣön kadiäk yic alɔŋ (Reuters) ku aguiɛ̈ɛ̈r wɛt kenë aci bääny Palestinian acï leu ku bi gam. (Reuters)
Na cɔɔk ɣa lɔn rëël jaamic kënë thin ka cïn kewën ci maat rɛɛl thin cïk doot jaamden yic, kɔc ŋic wɛt kënë ke ci jam thin ke Reuters aci wïc bi keek ŋic ku South Sudan ku Israel jaamden aŋuɔ̈t latuëŋ ke këc thok.
