Bɛɛny luɔi käk piäl guöp Mark Butler aci kɔc ke rilic löŋde yic na cɔk a lɔ̈n ci akut cieec tɛ̈kic akuma thaany päny bi ɣot juec kɔk bɛn tɛn muök baai tɛn kɔc dit. Aci lueel Labor aci ye nyin taau kawën ye ye baai dɛ̈ɛ̈p ku käk latuëŋ bi näŋ ka waar tɛn muök kɔcdit mat thin gut ci lɔn bi wweu ye kɔc luui dɔm bi keeek juäkic.
Bɛny Victorian Jacinta Allan aci thany ke bi jamde ke lëëk yeen kɔc bi tem kɔu kaam ci yeen tɛɛm thin raan ŋic ke ye bɛny neo-Nazi Thomas Sewell goor yic baai alɔŋ tuëŋ Melbourne. Kaam tuëŋ këëc yen gua bɛn lëëk den kenë yic ee ci kuëc luɔi ku tɔ̈ŋ loi rot lɔ aɣer ke ci kɔc laɣer ke ci wïc kɔc kɔ̈k ben bɛi warakol lar.
France abi guir ku bi kɔc nyuc paande ke ye baai 30 ku bïk jaamic bïk Ukraine yiëk gëlgël tɛ leer keek dɔɔr thääny yic keek Russia. Ku aci caal lɔn bi keek rɔɔm akol niin 4 pen Dhoŋuɛ̈n yic ku bääny abi mɛt jaamic ɣon wël aliric ke rɛ̈ɛ̈l bɛɛi ken yiic.
Akuën juëc tɛn 1000 aci keek nɔ̈k wääk dit ci piu deŋ looi baan alɔ̈ŋ Marra Mountains alɔŋ tueŋ Sudan, ku ke raan toŋ yen ci puut bei thin thuou yic. Kënë aci rot looi wɛt ci deŋdit tuɛ̈ny wakol laar bi keek wiëk.
Ee Pan South Sudan, bɛny Kiir Mayardit, aci Emmanuel Primo Okello nyuöc. Ku kuëëny nyiɛ̈nde yiic Sherif Daniel Sherif ke ye governor gen Western Bahr el Ghazal.
Dɛt yic aya, Bɛny Kiir aci bɛny Lööŋ ku luɔi Lööŋ mɛc baai Dr. Wek Mamer Kuol aci nyuooc ku kuëny nyiɛnde yic Dr. Joseph Geng Akec.
Ky yen aweerde. Kiir aya aci Mary Nawai nyuuc keye bɛny Parliamentary Affairs ku kuɛ̈ny bɛny yam Riëënythii ku kääk Tuuk.
Bɛny aci Dr. Wek Mamer kuäny ke yeen bɛny yam Parliamentary Affairs.
