Prime Minister Anthony Albanese aci ɣët pan Vanuatu gëndit Port Vila wɛt jamden keek bɛny Vanuatu Jotham Napat. Bääny ke karou aye keek ŋuɔ̈t bïk näŋ ke bïk thääny yiic käk latuëŋ ku gëlgël baai, mënë Mr Albanese yemënë aye tïŋ cië cïï bi gua matthook abak ruön kënë.
Akutnhom baai Junup Thudan ciëëŋ pan Melbourne, alɔŋ Victoria aci guɛɛr pan ci kɔc thuöu thin jɔk thök tɛn akol laar ci mïïth karou guot pal bi eek nɔ̈k. ku alɔ ke juäär ke cï bïk näŋ tɛ tɔɔu keek mïth ku koonyke kääcen riɛ̈ɛ̈ŋ ci rot looi yiic, Ee nääk Chol leŋ ruon 12 ku Dau Akuïny ke leŋ ruön 15.
Bɛ̈ny Victoria Jacinta Allan aci lueel ka bï löŋ bi ciëëŋ thin looi tɛn kɔc kɔc tuëŋ ku bïk ŋic keek aci maat löŋ mɛɛc kɔc rot bïk kɔɔc tuëŋ tɛden ye keek ke nhïïm kuut thin ku ba akuma kuɔ̈ny tɛ ye wëu muor thin dhil path. Ku aye lueel karilic bi kɔc pïŋ tɛn kɔɔc tuëŋ bi kadhiɛ̈l keek ku yeeŋo ye ka luuel ke wic bi looi tɛn keek.
A-N-Z chief executive Nuno Matos aci lueel wɛt ci yeen tak bi loiloi kɔ̈k tem ke akuën tiim juëc bankic ku aci luel ke bïk näŋ kajuec yiök thin juäk yiic. Akuën buɔ̈t 500 kɔc luui ku akuën 1000 kɔc kɔ̈k luui keek abïk nyuöc pen Dhoŋuɛ̈ɛ̈n yiic la ruönë, ke ye abäŋ akuën $560 million kawïc bïk keek cïɔ̈k pïny bäänyde yic, ye raan wën lëŋ pɛ̈ɛ̈i kaŋuan bäänyde yiic.
