Bɛny wɛ̈t akutnhom lëëk pan Australia Anika Wells aci löŋ yam ɣäth barliman nhom ku kënë aci looi bi akutnhom bi loiloi kawɛɛrwei ya muk nhom Triple-zero. Kënë aaci jal bɛn wɛt ci bääny wɛt akutnhom käk ye kɔc caal barliman nhom bi keek thiëc thok wɛt ci yupyup kawɛɛrwei tɛm kënë yic rou ci jal yic.
Akutnhom Australian Jewish aci ke nhïïm mat taktak kɔcken waar ci nɔk aköl nin 7 Penthiäär 2023, kënë ee kaam war ci Hamas kɔc nɔɔk Nova Music Festival ku Israeli settlements. Ku aca akuën 1200 kɔc nɔk ku raan 250 ke ci keek pëëc.
Aci Victorian Premier Jacinta Allan caal lɔn bï Metro yam Tëëkpiny bi yeen ŋaany thok jɔ̈ɔ̈k pen Thiaar kurou yic ruon tök tuëŋ ke bi yen jal ŋɛ̈ɛ̈ny. Yen abi ya luui kaam Westall ku West Footscray thin Melbourne, ku cääthde abi ya jäl kuat yuul thiɛ̈ɛ̈rou yic.
Ee pan South Sudan ka bɛ̈ɛ̈ny Salva Kiir Mayardit aci bɛny buɔth bɛny gëlgël baai kuany ku bɛny wɛt akutnhom kɔc keen ye gël tɛ cit tɛ ci yeen caal thin SSBC television.
Yen aci Gen. James Koang Chuol kuany ku ke puɔc cop waar ke ye Governor Gen Upper Nile wiik ke ci jal.
Kiir aci Brig. Gen. Valentino Baak Makuei cuöt ke ye major general ku kuɛny ke wɛt akutnhom presidential Guard Unit, ŋic ke cɔl Tiger Division.
Bɛny Kiir aci Deng Alor Kuol nyuoc ke yen bɛny wɛt akut East African Community Affairs ku wɛ̈ɛ̈r nyiɛ̈nde yic Bany Gideon Mabor.
