Ee Gaza, kɔc aci ke nhïïm kuut akuën tim juëc pan akïm Nasser hospital ku amuöth kɔc ken Palestinian ke ci maac ku aci ɣëët ke caath buses kaam ciën ci keek luöny bei karakon yic pan Israel ka ya abaŋ dɔɔr ci America looi ke.
Kɔc Akutnhïïm Jewish pan Australia aa looi yai aya wɛt kɔc war ke ci peec ku aci loony ke piir ke ci Hamas dɔɔm. Akutnhïïm kɔc kuɔɔny aa coot bi dhɛɛl ŋääny thok bïk näŋ tɛ ɣɛɛth keek kuɔɔny wïc dot kɔc kaam ci dɔɔr jɔk kaam Hamas kek Israel.
Akut miith United Nations children's agency UNICEF aci lueel akuën 1,300 riɛ̈ɛ̈th ɣɛ̈ɛ̈th miith aci rot guiir ke lɔ Gaza ke jɛl Egypt ku Jordan, ku kɔ̈k atɔu dhëlic ke ye 1,000.
Raan Dr. Geri Raimondo Legge, ke kääc kek bɛny South Sudan ci lɔk akaac First Vice President Riek Machar, waar ke ye lueel lɔ̈n ci duluuk loi luk ke ci kuany kaam den aci thook ku aci ben luui ke ci lööŋ puöl erin ci kaam den yic thook wik ke ci jal kënë yiic.
Erin keek ake ci kuääny bïk luuk looi pɛn tok yiic pɛth ku aci yiic thook aköl niin 8 Penthiaar yic ku këne aci luuk cɔl atɔɔu raan wën muk ku bïk kä thiëc kaam bïk keek juäk ku abi jäl bɛn dhuk nhiääk.
Akutnhïïm akuma Thudan aca akuën juëëc tɛn tiik 100 jɔt bïk keek dhuök cïen pan Junup Thudan ku acïk keek puök yic kek mïëth ken ku këne aci kɔc lööŋ yïïth mɛ̈nh raan cɔl ajɔt rot nhiäl erin keek kuöc luöi aköl Laat.
