Akutnhom jam ku lëëk pan Australia aci jɔk ciök ku bi wïc yiic yeŋo kenë yinda tɛn Optus war ci käk jam tɛ̈m ku aci nuet keek thön kɔc kaŋuän wɛ̈t cïn keek tɛ cï keekyeen lëu bïk 000 [[Triple-Zero]] youp. Kënë ee wɛ̈t këëc yeen rot leu bi näŋ tɛ yup keek kënë ee kaam rou bi ye yic bɛn dhuök waar ci root käŋ looi ruon 2023 ku ake ci yiëk ariop million $12 ee kuɔ̈c luɔiden yic.
Bɛny Reserve Bank Governor Michelle Bullock aci lueel tɛ thɛ̈ɛ̈ny yen kɔu kek kä ci tïŋ ke looi rot lɔn nada ka Australia aci thiɔ̈ɔ̈k keek kewën bi yeen ɣot dak yiic baai leu.
Yen aci lueel aya lɔn aleŋ ka ŋuɔ̈t ke dhɛɛl yiëkyiëk ɣot yiic ku ke wic keek aleŋ alɔaŋde aya tɛ thööŋ yeen nyin keek akuën kɔc wïc ɣot baai. Akutnhïïm juëëc Australian Jewish aye ka lueel akëc ka nhiaar yic wɛt ci akuma dit australia ke ci yeen pan Palestinian ŋic ke ye ye baai mɛtmɛt nhom akutnhom United Nations General Assembly.
Ke tuëŋ käk yeka lueel ee lɔ̈n akumadit australian akëc kajuëëc wic bi keek käŋ looi lueel lɔn bi keek rot looi ku bi pan Palestinian bi jal ŋic ke lëŋ ka cïïk käŋ tiɛ̈ɛ̈ŋ bïk jl ya baai.
Akuma Uk ee pantöŋ bɛ̈ɛ̈i wën ci Palestinian gam ke ŋic ke ye baai mɛtmɛt nhom United Nations General Assembly kënë aci jal bɛ̈n ruon 108 ciök ciën waar ke ci akuma Balfour yen lueel luɔi ke ciɛ̈k pan ŋic ke ye pan Jewish baai alɔŋ kënë. Kënë aci ruön 77 tuöm ciën waar looi pan Israel pan British keye kewïc tɛn Palestine kaam këne yiic.
