Akuën kɔc cï luui aci rot juäk pan Auɛtralia bi ɣet nhial apɛi kedit mëne tɛn Pen Thiaarkutok 2021 aci wël wën ci piac bɛn tɛn Akutnhom Luɔ̈i Akuën Australian Bureau of Statistics nyuɔ̈th lɔ̈n nada aci rot juak 4.5 nhial buɔ̈t yic tɛn lɔn waar rëël yen 4.3 nhial buɔtic.
Luuŋ Riek Machar keek kɔc keen ke kuɛ̈n kɔ̈ɔ̈th aci bɛn dhuk thin waraköl ku duluuk aci rot juäk kaam bi keek latueŋ ke pïŋ luuk këne agut bi yën thok ke pïŋ yiith rɛ̈ɛl̈ thin këne aci jal bɛn ke kɔc lööŋ kääc kek kɔc ci kuɛ̈n kɔ̈ɔ̈th yen lueel kaam den ke ci yiëk keek aci thok. Yemene luk abi jal ya piŋ nïïn kadiäk yic wik tok yic.
Nhial Deng Nhial aci lɔk jal akutnhom SPLM yic ku aci luel lɔn nada ka bä akut deet dɛt jɔk ciök ku aci lueel ke kuöc luɔi latueŋ ke looi rot.
Pan Kenya a jɔl latueŋ ke dhuur thuön Raila Odinga ke ye bɛny den thɛɛr Prime Minister, yen ake lɔ riääk India ku guop den abi jal jat ciën Kenya mën anhiääk. Yen abi ya tak löön den ke ci looi wɛt bi naŋ akut nhïïm juëc bi kɔɔc tɛ cuɛ̈t kɔc pan, ku ŋiëc maac löŋ nhom.
