Bɛny Australia Anthony Albanese aci caal lɔn nada ka bi waar keek looi ku bi tɔŋ den antisemitism thɔɔr kënë aci jal bɛn bei wen ke ci akut luɔi käk gelgel baai nyuuc.
Bɛny käk looirot baai alɔŋthin tony Burke aci lueel akuma abi näŋ ke bi waar löŋ keek kɔc bɛ̈n tɛ̈n yic ku leeŋ raan yiök ke tɔŋ ku mään thɔ̈ɔ̈c ciök na cɔk aa lɔn ke ci yeen gam bi bɛn tɛnë ka athor den ke ci yeen gam aŋuɔt leu bi teem kɔu ku dhuök nhom ciën.
Akuma aci lön piööc bi looi tɛn pɛɛi 12 bi rïïnykoor piɔ̈ɔ̈c bi näŋ ŋiëëc ke ye cɔl antisemitism këne aci jäl bɛn wɛ̈t ci raan 15 nɔ̈k yaan den Hannunkah yic Bondi Beach. David Gonski aci kuääny ke ye ba akut këne watnhom lön piööc ku bi rïïnykor piɔ̈ɔ̈c wɛ̈t antisemitism.
Sudan ku South Sudan aci mɛt ku bïk luɔɔi den ku ciɛ̈ɛ̈ŋ den yiëk nhiaal bïk riɛ̈l lön gëlgël luɔɔi ɣɔɔc wei ku miöök mɛt thin agut ci wɛt bi wëcwëc miök dhuuk nhiäl bi luui ɣɔn wën wëcwëc këne aci jäl bɛn wɛt ci akut bääny luɔɔi käk aɣeer rɔm bïk jäm thin gen Port Sudan.
