Aci akuma dit Australia lɔn bi yen kɔc war ci ka kɔ̈ɔ̈ny cuöt akuën $475 wɛt bi bi keek kedɛt ci kɔcke ŋɛ̈ɛ̈ny thiöök thok bi ci ben latueŋ luukic. Wɛtden ci lueel bɛny muuk lööŋ Michelle Rowland aci ŋic lɔ̈n luɛɛ̈ɛ̈l waar ci yeen wïc yiic kënë ke ci akut Coalation looi ee ke raac, akeec ku aci kɔc nyiaaŋ nhiim tatök ku acïe kenë ke ci lööŋ puöl.
Australia aba akuën $2.5 billion cuät piny ten ruön 30, rin bi keek akuen raan buɔt kɔc war ci käŋ maac tɛn den kɔc abikook cïïn waraga jaat Nauru. Aci akuma gaam lɔn nada ka bi Nauru dɔɔm million $400 nyiin yic ku abi million $70 jal aa cuät piny ee ruön tök yic.
War ruön 2023 akuma Labor aci thääny ke loony yen kɔc tɛn kɔc ci rïïŋ thin tɛn ke cïn athor caath bïk keek luööny bei tɛn kek ci keek maac thin ku kɔc kaamken ake lëŋ ka ci wuoc cï keek tɛ̈ɛ̈m guup awuoc ku aci luɔny akutnhom yic war ci Luuŋdit High Court yen luel ka ci leeu bi keek mac kaam cïnthok akeeu rin këëc lööŋ yen puöl.
Akuma Australian abi million$2 ke ye kënë kuɔ̈ny gaam ke ye ke koony kɔɔc ci riääk yiök pan Afghanistan erin loiloi kawɛɛrwei, wɛt cïï piny rot yiääk bi kɔc nɔɔk thin ke ya akuen juec tɛnë 1,400 nɔk tɛ thiöök kek kuur alɔŋ ciëën.
