Kɔc RBA aci wëu ye juäk wëu nhïïm puol täntok Kën aci jal bɛn wɛt ci keek yeen tïŋ tɛ ciɛ̈ɛ̈th käŋ thin aci latueŋ ke path ke nyin ku aci wic bïk ke kɔ̈ɔ̈th gua ban ke këëc keëc wël kɔk caath tɛ bi keek bɛn bei thin.
Kënë ee yen kam yic rou ci keek wëu ye juäk nhiäl puöl tääntok waar cï keek yeen käŋ puöl keya pen bɛ̈t yic.
Ku buk deetic yeŋö rɛɛl thin ke ci RBA wëu puöl ke rɛ̈ɛ̈l tantök ka ɣok aci jam ke raan wën luoi rëël ciɛ̈le kaam kɔɔc ɣɔ̈ɔ̈c ku bɛ̈ɛ̈ŋ wëu gaam wei. Kënëë ee bi naŋ dɛ̈ɛ̈tic yeŋö ke ci akuën wëu ye bɛɛi ɣɔɔc lɔ nhiäl ku yeŋo ci käŋ rot juäk kaam cekic yic apɛi kala.
Ku aci Anyang Majok Ayeun lueel käk ci yeen cɔl aa loi rot keya aa juëc apɛi, jɔk looŋ thiɔ̈ɔ̈k waar ci Akuma dit Auɛtralia looi bi wïc raan bi ɣɛɛc bɛɛi ku alëŋ tɛn dhiëc pbuɔɔt yic ka raan alëu ku bi ɣɔɔc baai, ke cïn wëu ye baai gël ye yiëk kɔc dheen wën ŋic ke cɔɔl Lender Mortgage Insurance(LMI).
kënë aa wëu wën ye keek wïc tɛ këëc yïn akuën 20 buɔ̈tic akäc doot wëu kuun ke bi yïn ɣɔɔc baai, dɛt aci lueel këne aci kɔc juëc cɔl areek ke nhïïm ɣɔɔc bɛɛi yii ku bɛɛi keek aa liu ku kɔc wic bïk ɣɔɔc aa juëc ku kee kënë aci wëu ye bɛɛi ɣɔɔc cɔl alɔ nhiäl.
Kua aci bɛn mat thin na ci kɔc ke nhïïm rɛɛk thin keek käŋ cɔl arilic rïn ci yeen wëu baai cɔl a juëk akuën tim 50,000 ɣet tim 60,000 yic tɛ̈n wëu ke ye kɔc ɣɔɔc.
Aci Anyang lueel aya awic bi raan käk kë käŋ cɔl aye caath ku thɛ̈ɛ̈ny keek kɔɔth yeŋo ŋuɔt daak yiic yeen wïc ku bi cath tɛ këc yïn gua lɔ tɛ wën bi yïn lɔ ɣɔɔc thin. Dɛt ci bɛn lueel aya apɛth bi raan rot ci gɔ̈ɔ̈u erin ŋo ke ci akuma looi kënë aci käŋ cɔl ɣet nhiäl apɛi. Aci wën thool ciök ke ci yen ye lueel na wic raan ku bi ŋic leu yen bi yiök wëu tɔu nhïïm pïïny wal a bi raan bɛ̈ɛ̈ŋ tiec bi pan bɛn yiëk wëu (Refinance) ke kedɛnt wën path aya ku bi raan ŋic tɛ biyen ŋuɛ̈ɛ̈n thin keek yeen.
Disclaimer:
Wël käk aci keek looi ke ye käŋ lëëk pɛth kuna wïc raan wël thiäk thöök keek tɛ rëël ka ke thin ka wïc ba lɔ tɛ̈n raan dun luɔi wëu bi keek lɔ cäth ke thääny keek käkku ku bi yïn jäl wɛ̈t raan lëŋ ŋiëc ee wëëu thään kek yïn.
