Luɔ̈i lëëk lääu yic pan Australia ŋic ke yeen ke ye kɔc lɛ̈ɛ̈k kɔɔc baai bïk käk looi rot ŋic, nyooth athɛ̈ɛ̈k ku lurlur den ye yeen kɔc ci bɛn baai maat ciɛ̈ɛ̈ŋ dhel lëëkye keek kä looi rot pïŋ thuɔ̈ŋden ku juɛ̈k nhiëër bi baai rɛɛl duk ke cïn mään.
Ee kaam ruön 1975 ku keek ɣän lëëk radio karou, kam kënë aa ŋic kek ke 2EA pan Sydney 3EA pan Melbourne aci jal cɔɔl kaam tuëŋ bïk kɔc lɛ̈ɛk̈ thuɔ̈ŋden.
Na leer ɣët 1980 ke SBS TV aci jal bɛn jɔɔk ciök bi kɔc lɛ̈ɛ̈k kaam tuëŋ, Yemenë SBS aci jal näŋ thök juëc tɛn thok 60 ke ye yeen cɛ̈ɛ̈l bi kɔc lɛ̈ɛ̈k.
Jamda kënë lueel ɣok ke SBS ruön 50 tuöm raan thɛ̈ɛ̈r ke jɔk lëëk thuɔ̈ŋjäŋ ciök 2013 Ajak Deng Chiengkou ku aci näŋ ruön 10 ku abak nhiäl ke luui thin.
Aci kuäny yeŋö këne piäth thok thuɔ̈ŋdun bi yiin lɛ̈ɛ̈k ka looi ba keek ya pïŋ thuɔ̈ŋdun tɛ ci keek wɛɛr yic yïïn ba keek pïŋ. Aci mat thin ku lueel awïc bi kɔc thuɔ̈ŋden cïï ye puöl ciök ku awïc bi mith ya piɔ̈ɔ̈c thook bïk ŋic jam ku gäätde aya ne cië keya ka thok aleu ku bi maar.
Dɛt aya aci kuɛ̈n ye kɔc kuen bi bɛn ruön bi bɛ̈n këne awic bi kɔc rot ya gäät piny ku luëlke lɔn ye keek jam thuɔ̈ŋjäŋ erin na yiök akuen jam thuɔ̈ŋ jäŋ ke ci dhuk pïny tɛn tɛ ŋic yen ke luoɔi radio thuɔ̈ŋjäŋ ye kɔc lɛ̈k ka lëu bi liu. Aci Ajak Deng kuanyic.
