Ruön 15th nhomlääu pan Junup Thudan ka ci rot looi thin ku ke cï nhomlääu bɛi ke ci waar ku juëëc paan ci nhomlääu aa ŋuɔt ke jöör kɔc.
Ke ruön thiäär ku dhiëc ci jal tuöm bɛ̈nbɛi nhömlääu Junup Thudan, Aci Dupiööc Jok Madut Jok lueel lɔn "Ye nhomlääu ye bɛn käŋ kada? "ee bɛn wɛt ye yeen näŋ lööŋ ye kɔc rot maac, ebɛn keek ka ye caam bi keek tɛ̈k rot bi ŋɛ̈ɛ̈k eben nɔ̈ŋ ke deen thiinn ye yeen piir, bï kadhɛ̈ɛ̈l jääm yiic ku nhomlääu ee bɛ̈n keek käŋ kɔc gëël ku yeen ee kedit piir yiic wën lëëu ku bi raan cɔl aa mitpuou." kënë ee Jam Dupiööc Jok Madut Jok.
Aci Dupiöc Jok mat thin ku lueel tɛ tööŋ ci latuëŋ dhɛ̈ɛ̈l thin apɛi ee määc käŋ yiic erin latuëŋ paan awïc dhöl bïk cääth cɔl apuɔl yic, bɛɛi piööc ku bɛɛi akïïm bi raaaan dɛt leeŋ wɛ̈ɛ̈ŋ de bi ya leu bi ɣääcwei ku leer panakïm thiɔ̈ɔ̈k keek yeen, bi miëth ya bɛn rëël kɔc thin ku ye cääthyiic piäl tɛn kɔc cath ke ye kɔc ɣɔɔcwei.
Dɛt ci yeen jam thin aya ee ku bi bääny ya lɛ̈ɛ̈k ka kɔc lääu guup bïk jam keek bääny keen ke cïn riɔ̈ɔ̈c bi raan ke deen lueel ke cïn ke rɛ̈ɛ̈c yeen thin ku ce nyiääi ke lëët yeen jɛ̈ɛ̈m bɛny guöp, kua path bi bääny ya pïïŋ tɛn ke lueel kɔc baai ku kenë aleu bi keek puöl bïk nɔŋ jam kaam keen ke lääu guup jam den yic.
Aci wël ke thööl ciök ke path yeen bi käŋ ŋiëëc ya tɛ̈ɛ̈k kɔc ku ŋic keek maac bïk kɔc thɔ̈ɔ̈ŋ erin ye baai pan lëëŋ yic jiɛ̈ɛ̈k miök, tiɔ̈ɔ̈m cuääi ku piiu ku wëër jueec rɛɛl tɛn thiɔ̈ɔ̈ŋ yeen ke bɛɛi kɔk ci miök deen ŋiëëc looi apɛth ku acïn ke wɛ̈ɛ̈r keek Junup Thudan erin ye bɛɛi keen bɛ̈ɛ̈kic yiic path ku acïn yiic tiim. Bɛɛi cit Saudia Arab ku United Arab Emirate ci miök deen ŋiëc looi.
Aci lueel aya lɔn leeŋ baai yic lääi na ci keek ŋiëëc looi aa pɛth ka leu bi kɔc ya bɛ̈ɛ̈i bi keek bɛn tïŋ tɛn laai ci looi bi keek ya tïŋ thin wëëu ku kënë aleeŋ ke leu bi kuöny baai lathueŋ den yiic.
