Anyiköl aköl mïïth baai ake jɔk ye ciök bi looi kääm tuëŋ ruön 2001 ku këne luui yeen ee ku bi kɔc ke nhïïm ya thɔ̈ɔ̈ŋ riɛlic ku piäthde ba ya mɛ̈n baai, ku ye nhomlaau yïnda bɛn keek yeen ku yeŋo ye pääl yïn ba looi ke yi lääu guöp.
Yän kënë aci looi bi keye kɔc nhïïm thööŋ ku piäthde bi kɔc nhïïmlääu tɛ ye keek cuɛ̈t thin ku htiɛ̈k de yic ku ke kɔc cɔ̈l aa tɛ̈k kewën kɔc mat yiic ku ye kääc tok ke ye Australian. Kuat ruön thok eben kɔc juëc wën bi keek kuɛ̈ŋ cïn ke ye adööc wala mïïth baai. aköl kenë aya aye akut majilith yeei looi thin bi kɔc wën bi kuɛ̈ŋ cïn thin bïk gaam lɔn bi kek lööŋ ku amitic pan Australia ya buɔ̈thic ku thëëk kë lööŋ ken ku ke wën ye looi baai thok eben.
Bɛ̈ɛ̈i piööc, akutnhïïm ku wuöt kɔ̈k aye kek dɛɛt puöth bïk aguiɛɛr yëi cit käkkä ye looi baai aläŋden ku kak kɔ̈ɔ̈k wën ye looi bï yän kënë ya cam kɔc ci kek nhïïm mat thin täntök ke mith puöth.
Ku ba ya raan ci dööc pan Australia aye wïc ba raan ke dhiët tɛ̈në, mɛ̈nh raan wën adööc tɛne wala wala an ye raan ke bɔ yï ye raanci köök tɛn tɛn kaye abiköök ci kɔ̈ɔ̈k tɛnë ku ruön ku alïk tɛn ruön65 kayïn yin aye wïc ba nyuuc athem bi yïn jal yiëk ke ye yïn raan ci dööc.
Athem kënë ake jɔk ye ciök waar ci yeen ɣët ruön 2007 ku kɔc tuëŋ aci jal nyuuc yeen ku kee ke ci looi ke rilic apɛi. Wën ci yen tïŋ keya ka ci ceec cääth yic ku aa cïk yiök ke rilic go ke luel ka bïkbɛn thëm bi dhuök kɔu piny bi yic piäl.
Na cɔk aa lɔ̈n ke lëŋ yen yic athor ye kuën ku ba ŋic ka rɛɛl thin ka këc yic piäl tɛn kɔc kɔ̈k kuc thook Matuɔŋdit ye yeen nyuöc. Kënë aci Awan Kuol Awan ke ye dupiööc, ku raan lui ɣon athoor ku ye bɛny riënhthii piɔ̈ɔ̈c ciɛ̈ɛ̈ŋ ku dhëëŋ ee jiëëŋ aci tayiic bi kɔ̈c ya piɔ̈ɔ̈c kuën bï näŋ ka ye keek them tɛn leer raan nyuuc athëm.
Aci lon ke ci taak lɛ̈ɛ̈k keen Library lɔn nada wïc bi kɔc ya piɔ̈ɔ̈c kapɛth bi kɔc piɔ̈ɔ̈c, kɔc wic yen bïk ya mïïth baai ku bïk dooc baai. Ruön 2017 waar ci yen jɔk ciök Braybrook Library aci kɔc juëc bɛ thin erin wïc ke yeen bïk nyuuc athëm bi kee yiëk athor bie ke ya adööc wala mïth baai. Aci Awan luel acïï tɛn kuɛ̈n athor kɔ̈k bɛn yïök ke pɛth go ka nhiaar bïk ya looi tɛn tɛn rot ku aci mMelton library aci lööm bi ya looi aya.
Dɛɛt ci mat thin ee lɔn ci yen kɔc juëc koony waar ci ye jɔk ciök ku kɔ̈ɔ̈c juëc kaamken aci bɛn tiɛ̈m athëmden yiic ku acïï yiëk athör ke ye keek mïïth baai. aci lueel ke mïïth kuɔ̈ny aya tɛden piööc ku aye lueel ka kuuc kɔc kɔ̈ɔ̈k lɔ̈n rëël tɛ̈n ku yïn akëc luoi yai ba ya raan adööc ku ye luui ka wïc kek ba raan adööc ke looi tɛn.
Aci Awan luel aya alëŋ kajuaac pɛth yen ba ya mɛ̈nh baai, tök ee kuɛ̈n ku ba kuën ku pɛ̈l yïïn ba kuën wëu ci akut dhɛ̈ɛ̈n yïïn ku bi yïïn kuën na nhiääkŋe ci yin thook ku yïn aci yiök luɔ̈i bi yïnya dɔ̈m thin wëu ka bi jal kɔɔny yiin akumna. ku yïn aleu bi yïïn kɔɔny tɛ ci riääk yïn lɔ yiɔ̈k wei tɛ cie pan Australia cimene waar ci tuɛ̈ny Corona kɔc tɛɛm wei aci akumadit Australia bɛn guiir bi kɔɔc cït käkkä bɛn jɔt ku jɔlke wëu bɛn dhuök ciën tɛn akuma kaam dɛt yiic. ku na ci ye mɛnh baai ka juëc acï yiök erin cït yen kën yiin puöl.
