Yan Kööl Athook Pinynhom a ye cam ruöön thok ebën aköl nïn 30 Pendhoŋuan (Biɛlthi). Yeen, ee kööl ye yai looi bï lon athook theek rin yen lon deen pɛɛth ye kek kɔɔc pinynhom kony alɔŋ jam, bïk röt piŋ kam ken ku rɔmkä kuat kä loikä.
Kä path ba keek deet alɔŋ Kööl Athook Pinynhom aa kïk: Akut ka loi yeen, Akut Athook Pinynhom (FIT) ee jɔk cök ruöön 1953. Lon athook a theek UN: Wäär ruöön 2017, UN a cë aköl nïn 30 Pendhoŋuan (Biɛlthi) kuɛ̈ny bei bï yai, yan Kööl Athook Pinynhom ya cam thïn. aci bɛn lueel aya kë kööl thiek yic. kööl kën ee lööny kööl yan St Jerome yic, ka ye raan dhëëŋ cë kuany bë ya röök rin athook, rin yen raan wäär war Baibol yic bë ya kueen thoŋ Latin.
Jam Kuol lic dɛɛtic lɔn nada këloi Kööl Athook Pinynhom aa kïk
- Yan lon pɛɛth ye athook looi ke ye kɔɔc wël waar yiic, ke ye kɔɔc kɔc waar thook, ke ye ducuëëc wël cuëëc.
- Lon ye thok ë pinynhom kuɔny nhial ku kony kɔɔc pinynhom bïk ciɛɛŋ yë ŋɛk ya theek yic.
- Lon bï raanebën ya lɛ̈k piath lon athook alɔŋ jam kɔɔc pinynhom dhël athɛ̈ɛ̈k, alɔŋ tajiir, alɔŋ lööŋ, alɔŋ kïïm, ku alɔŋ lon abiöökruɛl.
Lön kën ee piath jam ye kɔɔc pinynhom ŋɔ̈ɔ̈th nyuɔɔth, ku nyooth apɛy alɔŋ wël ye ŋiëëc ë luuŋ (AI) waar yiic. Yeen ee piath lon looi raan nyuɔɔth ka ye athook wël waar yiic, athook kɔc waar thook, k ducuëëc wël cuëëc alɔŋ,
Aci Kuol Baak lueel lon bï wël ye lueel ya ŋɔ̈ɔ̈th ke bë yök nyiɛn den ku lon bï kɔc ya kony bïk jam ku rëëlkä dɔ̈ɔ̈r yic, lon bï wël ye ŋiëëc ë luui (AI) gɔ̈t ya tet yiic.
Aya aci bɛn mat thin lɔn lon bï jam kɔɔc pinynhom dhël athɛ̈ɛ̈k ku lon kënë ee dɔ̈ɔ̈r kuɔny nhial dhël bï wël ŋiɛc ya waar yiic ka ye wɛ̈r cïn yic ruëëny ku löŋ kën a cë nhom rek kek 2025 cï UN looi bë ya Ruöön ë Dɔ̈ɔ̈r ku Ŋɔ̈th Pinynhom, ku löŋ ë Amat ë Akut Athook Pinynhom (FIT).
Dɛt ci mat thin ee lɔn nada käwic bi looi ee ku bi thok cïï cɔl amaar ku jɔl bɛn thɔ̈ɔ̈ŋ lɔn nada ka thook acït aduök ku na ci ŋiëc boom apɛ̈th ka ŋic rot muuk ku käk kaken rɛɛl thin abi ŋiëc reel thin apath ku acin ke rɛɛc keek.
Ke cï yen wɛtde ee lɔn bi kɔc ŋic thok ya caal ka looi yiic ku kɔɔk keek bïk ŋiëcden nyuɔ̈th ago ka thok ya cooth yic ku ben ka dhuök yic agut bi nyiɛnde yiök ku ci maar.
