Ruon thiaar ku nguan ben bei Junup Thudan
Luëël baai bei acie kë puɔlic tɛnë be rot loi ee riɛ̈m wïc bi käŋ puuk pïny ku baai aye luɛ̈ɛ̈l bei dhɛ̈l juëc. Aci Atem Yaak Atem lueel kɔc bi keek leec bɛn pan Junup aa kɔc tuëŋ ci kɔc waat nhïïm bïk kɛ̈c wei bïk baai luel jam ku luelke tɔŋ ku kɔc juec kaamken aci riɛ̈mken puuk piny ku bïk baai luɛ̈ɛ̈l bei ku bi kɔc kɔ̈k ci doŋ nhïïm lääu.
Dɛt ci bɛn ee lɔn nada ka bɛ̈ny Kiir Mayardit alëu bi leec wɛ̈t këc yeen tɔŋ gaam waar wïc kɔc Khartoum yen bïk tɔ̈ŋ cɔl a looi ku acï wɛ̈t ŋic yic ke nyin ku lëk baai lɔn nada gam ku toŋ ka cuɔ̈t aci leu bii rot bɛn lëu ke kɔc lëëŋ nyin tɔŋ.
Ku ben mat aya lɔn nada kënë ke wïcke bïk looi ee bïk kɔc pïny nhom wɛ̈l nyin kɔc la ke yeen kewaar ci kek lɔ Abyei ke ye ka ŋuɔ̈ɔ̈th bi kɔc thɔɔr ke keek ku akëc bɛn gam bi tɔŋ rɔm erin ee yen ke wic ke bi ciën cuɛ̈t loi rot erin lëŋ kɔc nyin tɔ̈ŋ ku baai aci lɔ duk.
Aci mat thin ku luel kuëc ci kɔc kuëc tɔŋ aci bɛn piäth waar ci kɔc bɛn cuɛ̈t ku tëk kɔc bei bi baai nhomlääu erin akuën raan tɛdit aci cuɛ̈t ku bi kɔc tëëk bei ku ke yeen ci baai yiök aköl cït köölë.
Jamde yic aya aci kuänyic ke lueel yeen aci pɛ̈th bï kɔc nhïïm maar tɛ̈ne ke bïï kɔc thin agut bi kɔc nhïïm lääu yiök tɔu kɔc thin yemënë. Kedɛt ci bɛn lueel kuöc luɔ̈i ci rot jal bɛn looi ye tɛ mɛ̈ɛ̈c baai ku tɛ cɛ̈ɛ̈th baai thin ke latuëŋ.
Ku aci yen jam aya lɔ̈n baai aci kɔc wääth thin bi ya kɔc lïk ke ye käŋ thook ke nhïïm ke këc kɔc kɔ̈k dot ku käŋ akuc rot cam kua kuc rot tek ku akuc rot maac aya.
Thook wɛ̈lke aye luel yeen apɛth bi baai rël duk ku nhiäär kɔc rot ke ci mään ku baai yen ye luoi ke yeth raane rot ke kɔc paande ku apa th aya bi luɔi ya yiëk kɔc ŋic luɔɔi bïk loi ke cië ruäi nyin rot yen bi ya looi.
Liu dɔɔr baai aya e dɛt ke ci mat thin jamde yic ku bi näŋ loŋ ku ye lööŋ mɛɛc baai buɔ̈th yic ku thööŋ kɔc nhïïm eben ee lööŋ nhom.
.
