Ye ku looi kada buk mïth ŋɔ̈ŋ kuaany mïïth ŋɔŋ yic ku buk keek ɣath pan piööc ku buk keek yiëk riɛ̈l bïk rot ya koony ku koony kä kaac keen.
Ɣɛ̈n waar aleŋ raan ke ca kuɔɔny ku ba bɛɛn tɛn ku waar ci ɣɛn bɛn yiök kek ya akut kɔc kuɔɔny ke ye akut kɔ̈ɔ̈cpuou.
Kedɛ̈ɛ̈ŋ bɛ̈n bi looi aleŋ kënë yeen cɔl aa looi rot ku bɛn ke bii ɣɛn tɛn ee leŋ raan ke koony ɣɛn ku acïe raan ruɛi ɣok ku acie raan leŋ ɣok ruai, ɣok aci yiök path luɔɔi yic Junup Thudan kek nyan German tɛ̈në yen ci ɣɛn kuuny ye kɔc koony yen kɔc niɔ̈p koony ku kɔc lëŋ ka nuän keek kuyeen ci ɣɛn luɔi yok mɛ̈n yen kɔc koony kɔɔc kɔk. Aci bɛny Akutnhom IHOPE Deng Garang Bul kuaanyic.
"Waar ci ɣët tɛn Australia ke leŋ kɔc ke ci bɛn luaŋ ye ɣɛn lɔ̈ɔ̈ŋthin ku bïk ku cɔɔl keek awic kɔc bi mïth yiëk kuɔɔny keek kuɔɔny ku bi mïth ya koony bïk keek ya yiëk weeu bïk keek lɔ kuɛɛn panpiööc ku bi keek ya yiëk piu, piu piɛth ku jɔl ya kɔɔk cimën ɣöndhiëër ye dhiëër gël. Gua mëth yiëk kuɔɔny paandie ɣok tiɛ̈ŋdie, miëthkie ku mɛnh aye ku tuöc weeu.
Na ɣɔ̈n lok ku tïŋ Junup Thudan aci piɛ̈th ku Junup Thudan ee paanda ku wëëu kuän ku bi ɣok lɔ koony Junup Thudan da keleŋ ke piɛ̈th waar ku ke yeen tɛ ci ɣok IHOPE (Intergrated Help and Opportunities and Peaceful Existence) yen ci ɣok yeen bɛn jɔk wɛ̈ɛ̈u kua bi ɣok mɛnh tɔu Junup Thudan ya lɔu koony ku acuk yen tek thook ye mɛnh tɔu Camp yic wala ye mɛnh tɔu baai Junup Thudan". Aci Deng Garang Bul bɛn lueel.
Aci Deng Garang bɛn mat thin aya ku lueel mïth aye kä keek them nhïïm na leŋ mɛnh wën ci ŋiëc tiɛ̈ɛ̈m ke yeen yeku nyiääi erin bi yeen ŋiëc luui adik ku leu bi rot koony ku koony kaacken tɛ leer yeen thok. Keek menë aleeŋ mïïth cï gäät ka ci thok kuɛ̈n den ku aci lɔ jaama ku apɛth ku bi ŋic lɔn ye keek mith tɔu dhel tok ɣet dhel 12 keek ye ka keek kuɔɔny ku meth abi jaama de jal bɛn lɔ looi ee rot.
