Dɛ̈ɛ̈tic kuɛ̈ɛ̈n ku yeŋo yee kuɔɔny kɔc tɛden ye yeen luui thin tɛn baai tɛ ci yeen ŋiëëc looi apiɛ̈th.
Kuɛ̈ɛ̈n pan Australia ee ke ye looi ruun kadhiëëc yiic ku bɛn tiŋ tɛ ci akuëën kɔc rɛ̈ɛ̈l thin rot juääc thin ku jɔl ŋic ye kaŋö ci rot waar ka juëëc yiic.
Jamda yiic keek Dor Akech Achiek ke ye CEO WSCMRC ka ci lueel lɔ̈n nada wic kuat raan ebën ku b ï ŋiëc thiɔ̈ɔ̈ŋ adiik ku lëëŋ raan kadhɛɛl yeen ka path bi raan thiëëc kuɔɔny tɛnë akutnhom ee ABS ku yïïn abi wiëc raan wɛ̈ɛ̈r thööŋ kubi kedun deetic.
Athor Kuɛ̈ɛ̈n aye dhiɛ̈l wïc ku dhiɛ̈l thiɔ̈ɔ̈ŋ kuat raan rɛɛl baai akol nin 11 Penbɛt yiic wɛ̈ɛ̈r kënë yiic. ee yïïn thiëëc riɛ̈nku, ciɛ̈ɛ̈ŋdun, thuɔ̈ŋdun kuatdun tɛdun ciëëŋ yiin thin, loondun ye looi, yïn leeŋ ruun kada ku baar ciök tɛnö. Kääkka eben aye keek thiëc ago akuma ku akutnhïïm kɔ̈k kuɔ̈ny tɛwën bi keek wëëu, kawïc bi keek looi, bɛ̈i piööc, bɛ̈ɛ̈iakïïm piälguop baai ku keek ŋic eben.
Kënë akuma koony aya kawën wic baai keek ke ci thääny ciën akuëën den tɛ den rëël keek thin. Tɛ ci yeen ŋiëëc thiɔ̈ɔ̈ŋ apiɛth ke yeen cɔl aŋic yeŋö yeen ke wïec ke baai alääŋdun ku yiëk wek kï bi thööŋ ke wëëk ke ci thääny akuëën dun ci yök tɛdun kënë.
