Jɛ̈ɛ̈k rɛ̈ɛ̈l pïny aa dit apɛi ku ka wïc kɔc lëŋ ŋiëëc de ku bï teek thok yëŋö lëu bi caam rɛɛl piny tɛ ci yeen ŋiëc looi a piɛ̈ɛ̈th ku lëu bi kɔɔc thɔ̈ɔ̈ŋ ku akuëën yinda rɛɛl thin.
Aci Deng Ngang kuaanyic lɔn bi kä rɛ̈ɛ̈l piny ŋic ee wïc atëët ŋic tɛ ye keek tëëk thok bi ke ŋïc yeŋo ka kaŋö rɛ̈ɛ̈l thin ku ya akuëën yïnda rɛ̈ɛ̈l pïny ku na yeen bi wëu kada leu bi keek bɛ̈ɛ̈i tɛ lëër yeen wɛ̈ɛ̈cbei pïny.
Deng Ngang Deng Aci jam ku lueel "Keriëëc ee näŋ atëët kɔc ci yeen kuëën ku bïk ŋic cimën kedhie ye raan lɔ pän akïïm ka akïïm abïk thiëëc ka bïk ke thiëëc yïn ku na kën ke deetic apiɛth ka bi riim lööm bïk bɛn lɔ caar ku bïk ŋic ye tuääny ŋo tɔu yï guöp."
Geology aa kɔc ci yeen kuëën bi ŋic "aleel wala tiɔ̈ɔ̈p tɔɔu piiny ye jama kada, ku yeŋö ye lueel, ku bɔɔu tɛ̈no, ku lëëŋ ruun kada? Kë lueel ba lɛ̈ɛ̈k muɔnyjäŋda ee lɔn tiɔ̈ɔ̈m tɔɔu piny aye dhiëëth ku piny ee thou cimen ye raan dhiëët ku thuou raan. Kënë ee yeen ke ye kɔc ci yeen kuëën looi bïk tiɔɔp ya caar bïk ŋic yeŋö tɔɔu thin".
Aci Deng Ngang Deng kuaanyic.
Käk ye keek wëc pïïny aa juëëc apɛi, alëŋ yiic dääp, miääth ku bɔɔu ku keek lëëŋ luöŋ ye ye kɔc thɔ̈ɔ̈t looth, puur wën ye kɔc dum keen puur.
Aci Deng lueel kuat ke riëëc eben tɛ ye kɔɔc rëël thin aye pïïny ago jɔl ka leu bi keek tïŋ wala lieec piny ku keriëëc tɔu raan lɔɔm aye bɛɛn erin ka wëëc pïïny. Aci maat thin ku lueel keriëëc eben ee näŋ atëët kɔc ci yeen kuëën ku bïk ŋic. Cimënë Computer ku luöŋ kɔɔk ye kɔc aye keek looi ka ye wɛ̈ɛ̈c bei piny tɛ̈ɛ̈kic ci keek jal thɔ̈ɔ̈t dhel wën bi keek wëënh ci keek jal looi.
Bik ŋic ye ka tɔɔu piiny ye ka luui kada, ye aa lɛɛl, tiɔ̈ɔ̈m tɔu piny ye jam kada, ku yeŋo ye lueel, ku bɔɔu tɛnö ku lëëŋ ruun kada? Aci Deng Ngang Deng kuaany yic lɔn nada thiëc käk awïc bi keek bɛɛr tɛ ci kɔɔc ateet lëŋ ŋiëëc päät bïk luɔi den looi bïk tɛ̈k thok kɔc.
Käk ebenben alëu bi keek teek thok thuääny ci nyiaai bi theem bïk keek ŋic ke teek keek thook ye ka yïïnda rɛɛl pïïny keye ka wëëc thin thïn tɛnë ku leu bïk bïk wëëu leu bi keek wëëc dhuök ciën tɛ leer yeen ka wiëëc kek bei pïïny. Ku na yiök keek ke ci leeu bïk wëëu keen bi nyiääny dhuk ciën erin koor këne ye rɛ̈ɛ̈l thin tɛ̈në ka jɔl käŋ ciääthic tɛ leu bi bi yeen wɛ̈ɛ̈c thin.
Ku ye lööŋ yïnda kek ye keek wic bi keek tääu piny bi keek buɔ̈th yic tɛ këc wëcwëc gua jɔk ku tɛ leer yeen jɔ̈ɔ̈k ciɔ̈k. ku bï piäl guöp kɔc rɛɛl tɛ̈në bi muuk nhom kada tɛn keek. Cimën bi keek wiëc pïu, panakïm, panpiööc ku dhɛ̈ɛ̈l tɛden bïk ya tëëk tɛ leer keek luɔɔi jɔk baai alääŋden.
Jɛm da yic keek Deng Ngang Deng aci lueel yeen aleu bi nyuuc pan Australia ku raan tɔɔu Junup Thudan aleu bi thuääny lööm ku leer tɛ leu bi yeen lɔ caar thin bnïk caath yiic ke rɛ̈ɛ̈l thin. Kënë alu bi looi ke raan tɛnë Australia ku yen alëŋ tɛ ye keriëëc ŋiɛ̈c thin cïmen na cal kuääny yic tɛn Akïm tɛ nɛɛk kedɛ̈ŋ yïn thin ku na ca jal guieer yic yen tɛn nɛk kedɛŋ yïïn thi ka leu bi ŋiic yeŋö wala ye tääu ŋo buöc kek yin.
Kä tɔu piny atɔ mën tɛn cɛɛk raan kɔc ku loilooi ke ye loi ci leu bi mïth baai keek loi tɛ wëc kɔc thin acï leu bi keek loi kɔc bi bɛn mëc. Erin awic bi keek puöl ke loilooi mïth baai ke keek looi.
Aye wic bi näŋ lööŋ ci taau piny tɛn kɔc bi bɛn wëc awïc käwic baai keek cïmën bɛɛi akïïm, kak piäl guöp, dhɛ̈ɛ̈l ye tëëk ku piiu ye keek deek.
Aci wɛt thööl ciök lɔn nada wëcwëc ee wïc lööŋ karou lööŋ pɛn wën wëc kɔc thin ku lööŋ pinynhom wëcwëc. Lööŋ baai aa kɔc baai koony ku gël kek bi kɔc bi bɛn wëc ciök nhïïm ku cɛɛth keek lɔn ci kek ke tïŋ bï keek yiëk athor ke puöl bïk jal wëc.
Ku kënë ee kɔc baai gël ku gël erin ee baai ku wëu kɔc wen bi bɛn wëc bik ci riääk pɛth erin lëŋ yen löŋ keek gël ku tiil keek luɔi den yiic.
Aleŋ wëu ye keek wïc bi keek tääu piny erin alëŋ ke lɔ waac nhiäk tɛn baai ke lëëŋ ke leu bi kek cuɔ̈t kek tɛ ci yen näŋ tuɛɛ'ny ci tuöl tɛ ci wëcwëc jɔk.
Aci jam de thool ke ye lueel tɛ̈n kɔc wën wic bïk jɔk ɣɔ̈n wëc cimën bi raan jɔk bï kak ken wëc ɣɔɔc ku akuuc raan ye wëu kadɛ leu bi raan keek yiök ku ye cien yinda rɛɛl thin tɛ̈ këëc ye gua wëc. Ke wic raan ci wëëu ke ɣäth thin tɛ këc yen gua jɔk ee raan leeŋ ŋiëëc bi detic bïk käŋ ŋic ye cin yinda ku ye wëëu kada kek leu bi keek yiök thin tɛ leer yeen weec ka wëu ci raan tääu thin ka leu bïk määr.
Dɛt awic bi lööŋ kuäny ciök ku lëëŋ wëu ci cuat piny bi kɔc lɔ̈k cuot tɛ lëëŋ yen ke lɔ̈k wääc wala ke bi kɔc ɣöök ka leeu bi kɔc löök cuot ku awic kɔc lëëŋ ŋiëëc luöi bïk deetic ku cɛɛr ka ka rɛ̈ɛ̈l piny.
Ku aa wïc bi kɔɔc wëc ka ye weec ya diɛɛr yiëth ken rot ku awïc bïk ya diɛ̈ɛ̈r ee baai ku riääŋ bi bɛn baai te leer kɔc käk bɛ̈in bei piny.
