Thiëëk aci rot juäk apɛi tɛn rïïnykoor ku lueel bi rot muök thin kada tɛn keek
Mïth kɔk aye ka yiök ke cïk lëu bi rot muök thin tɛ cit tɛ ciɛ̈ɛ̈th yen thin erin ruun kɔk bi bɛɛn aci leu bïk rot bɛn thiääk rot kaamken. Erin mïth aa rot thiëc ye wɛt ŋö lëu bi ɣɛ̈n wëu juëc cuät pïny ku ba raan nhiɛ̈rk ɣok rot buk thiäk.
Ciɛ̈ɛ̈ŋ ee Jiëëŋ wën ye kɔc thiëëk ɣok aci rot juäk ku bï tɛn ke ŋic yen thɛɛr bi wän thok. Thiëk aŋic ke ye kënë ciɛ̈ɛ̈ŋ baai ku ke dhëëŋ na lëŋ kedun ci wek dïïŋ nhiim ke kɔc baai an nyuuc pïny bïk ruai kuën ku ciɛ̈k kä luuny bïk ciäk ku mɛtke thin ke ye macthok ku aci wuondun ye wïc eben bi ye thok tääu thin. Aci Hellen Berberi kuanyic.
Aci bɛn mat thin ku luel tɛn mïth ke ci la kuën jama bïk ya kɔc cï piööc kuna lek thok gäät ku awickë bïk jäl thiëëk ku jɔl keek bɛn cɔɔl wëu juëc cimënë tim $70,000 ɣet tim $80,000 ke bïk yiök tɛno ku keek wënthɛɛr ake rɛɛl ke kɔ̈ɔ̈ny keek ee wëu ke ci keek kuën.
Thök jamde yic aci Hellen luel kä cït käkka ee mith piɛ̈k puou wei thiëëk yic ku ee kë wïc baai bi nyuc piny ku bɛn caathic tɛ leer käŋ tuëŋ thin alɔŋ thiëëk ku tɛn mïïth ku ke lëu bi baai ku wut loi tɛn mith wen ci bɛn dhiët ku ditke pan aɣer kaye bɛ̈ɛ̈i aɣer yiic.
