‘Yoom Lacook’: Yeŋo ci One Nation ci cɔɔl ajol pïŋ apɛ̈ɛ̈i yemënë

Pauline Hanson ke ye raan Akut One Nation aci jaal nhiaar yic apɛi ke ci akuëën kɔc buɔ̈th yeen rot juääk tɛ ye nyuɔth thiec ci kɔc thiec. Yëŋo ye ke ci akuëën rot juääk kuänyic tɛn rɛ̈ɛ̈l ciɛ̈ɛ̈ŋ kuatkuötic?

Pauline Hanson's One Nation Party is having unprecedented popularity in the polls. Credit: Getty Images

Dr Jordan McSwiney ee raandit wen wël wïïcthok tɛn den Centre for Deliberative Democracy ee Jama Canberra.

Yeen aci lɛ̈ɛ̈k SBS Examines lɔn kääk cëëc looi rot — maat agut ke ci kääk piir kɔc thääny päny, riɛ̈ɛ̈ŋ looi pïnynhom, luɔ̈i karɛɛc looi rot baai alɔŋda, ku ciënluɔi tɛn Akut Liberal-National — aa keek luɔk akut one nation ciyen ŋiëëc luui apɛth.

"Lëŋ tɛ ci ɣɛn yeen käŋ ŋɔɔth lɔn bi akuëën kɔc wën ye thiëc ke bi käŋ dit ku lɔɔc rot looi keya? Ɣee, acie tɛde, ɣɛn akɛ̈ɛ̈c käŋ tak lɔn lëëŋ yeen bi yeen tak," aci lueel.

Kewën ci kɔɔc piääc thiec thok aci yiök lɔn nada ka One Nation yemënë aci nääŋ akuëën tɔu niäl tɛ cuɛ̈t kɔc pan Queensland, atɔ 30 buɔt yic – ke tɔu tuëŋ tɛn Labor ke leeŋ 27 buɔt yic, ku Akut Coalition ke leeŋ 23 buɔt yic.

Ee jɔ̈k Penrou yic, wël wën ci wïcthook baai thook ben aci ke looi The Australian raci nyuɔɔth Akutnhom ake leeŋ 27 buɔt yic tɛ cuɛ̈t kɔc – ketɔu ciën tɛn Labor keleŋ 33 buɔtic, kua ake tɔu nhiäl tɛnë tɛ thööŋ yeen keek Coalition keleŋ 18 buɔt yic.

Bɛny akut One Nation Western Australia Rod Caddies taci lɛ̈ɛ̈k SBS Examines Akutden

ci piaac ŋieec luui ee kewën "yoom pɛth".

Akëköl ŋic

Kë cït kënë ee ci rot looi war ee ruön 2016, waar ci Pauline Hanson cuɛ̈t bi dhuk Barilaman ke ci näŋ ruön 18 wei buɔth kën ke ci rot looi Lindt Cafe keye riääk nääk rot looi.

McSwiney aci lueel Hanson ee ci " ye ciök ŋiëëc riëëkpiny keden ye lueel yic ... ku ee tɛnë aya, [yeen aci] yiök dhël ken Bondi ku bï kɔc cɔɔl aa jam käk gëlgël baai ku köök, keek kawën yetïŋ ke dhɛ̈ɛ̈l yen ci One Nation lööm ke ye käk keenye lueel ke ye keden."

Ee jaam kënë yic ke SBS Examines, ɣok athiëc: yëŋö ci akuëën kɔc kääc keek One Nation rot juääk ke lɔɔc la nhiäl?